MËSIMI 18
Nga ta dimë cilët janë të krishterët e vërtetë?
Miliarda njerëz e quajnë veten të krishterë. Por nuk kanë të njëjtat bindje dhe as jetojnë sipas të njëjtave standarde. Atëherë, nga ta dimë cilët janë të krishterët e vërtetë?
1. Çfarë është një i krishterë?
Një i krishterë është një dishepull ose ndjekës i Jezu Krishtit. (Lexo Veprat 11:26.) Si jep prova se është dishepull i Krishtit? Jezui tha: «Nëse i zbatoni gjithmonë fjalët e mia, jeni vërtet dishepujt e mi.» (Gjoni 8:31) Kjo do të thotë se të krishterët e vërtetë duhet t’i binden Jezuit. Jezui i mbështeste mësimet e tij në Shkrime, e po njësoj bëjnë edhe të krishterët e vërtetë.—Lexo Lukën 24:27.
2. Si tregojnë dashuri të krishterët e vërtetë?
Jezui u tha dishepujve: «Ta doni njëri-tjetrin ashtu si ju kam dashur unë.» (Gjoni 15:12) Si tregoi Jezui se i donte dishepujt e tij? Kalonte kohë me ta, u jepte zemër dhe i ndihmonte. Madje, dha jetën për ta. (1 Gjonit 3:16) Po njësoj, të krishterët e vërtetë nuk mjaftohen vetëm duke folur për dashurinë, por tregojnë me fjalë e me vepra se e duan njëri-tjetrin.
3. Me çfarë aktiviteti merren të krishterët e vërtetë?
Jezui u ngarkoi një detyrë dishepujve të tij: «I dërgoi të predikonin Mbretërinë e Perëndisë.» (Luka 9:2) Të krishterët e hershëm nuk predikonin vetëm nëpër vende adhurimi, por edhe në ambiente publike e në shtëpitë e njerëzve. (Lexo Veprat 5:42; 17:17.) Edhe sot të krishterët e vërtetë flasin për të vërtetat e Biblës kudo ku ka njerëz. Ngaqë i duan njerëzit, shpenzojnë me kënaqësi kohën dhe energjitë për t’u dhënë mesazhin shpresëdhënës dhe ngushëllues të Biblës.—Marku 12:31.
SHQYRTO MË TEJ
Le të shohim si t’i dallojmë të krishterët e vërtetë nga ata që nuk ndjekin mësimet dhe shembullin e Jezuit.
4. Ata kërkojnë të vërtetat e Biblës
Të krishterët e hershëm e çmonin Fjalën e Perëndisë
Jo të gjithë ata që thonë se janë të krishterë, i vlerësojnë të vërtetat e Biblës. Shihni VIDEON dhe më pas diskutoni për pyetjen që vijon.
-
Në ç’mënyrë disa kisha të ashtuquajtura të krishtere u bënë pengesë që njerëzit të njihnin mësimet e Jezuit?
Jezui u mësoi të tjerëve të vërtetën e Fjalës së Perëndisë. Lexoni Gjonin 18:37 dhe më pas diskutoni për këtë pyetje:
-
Sipas fjalëve të Jezuit, si mund t’i dallojmë të krishterët që janë «në anën e së vërtetës»?
5. Predikojnë të vërtetat e Biblës
Të krishterët e hershëm flisnin për Fjalën e Perëndisë
Para se të ngjitej në qiell, Jezui u caktoi dishepujve një punë jetësore që vazhdon edhe sot. Lexoni Mateun 28:19, 20 dhe Veprat 1:8 e më pas diskutoni për këtë pyetje:
-
Deri në ç’masë do të predikohej mesazhi i Biblës?
6. Ata i zbatojnë gjërat që predikojnë
Çfarë e bindi një burrë me emrin Tom se kishte gjetur të krishterët e vërtetë? Shihni VIDEON dhe më pas diskutoni për pyetjet që vijojnë.
-
Pse hoqi dorë nga feja Tomi?
-
Pse është i bindur se ka gjetur të vërtetën?
Veprat flasin më shumë se fjalët. Lexoni Mateun 7:21 dhe më pas diskutoni për këtë pyetje:
-
Çfarë vlen më shumë për Jezuin, fjalët apo veprimet tona?
7. E duan njëri-tjetrin
Të krishterët e hershëm e donin njëri-tjetrin
A e rrezikojnë vërtet jetën për njëri-tjetrin të krishterët? Shihni VIDEON dhe më pas diskutoni për pyetjet që vijojnë.
-
Çfarë e nxiti Loidin të rrezikonte jetën për vëlla Johansonin?
-
A mendon se veproi si i krishterë i vërtetë?
Lexoni Gjonin 13:34, 35 dhe më pas diskutoni për këto pyetje:
-
Si do të silleshin dishepujt e Jezuit (të krishterët e vërtetë) me njerëzit e racave ose kombeve të tjera?
-
Si do të tregonin dashuri edhe në kohë lufte?
DISA THONË: «Të krishterët çfarë s’kanë bërë! Si mund të kenë fenë e vërtetë?!»
-
Çfarë shkrimi do t’u lexoje që të dallojnë të krishterët e vërtetë?
PËRMBLEDHJE
Të krishterët e vërtetë zbatojnë mësimet e Biblës, tregojnë dashuri vetëmohuese dhe flasin për të vërtetat e Biblës.
Si do të përgjigjeshe?
-
Ku i bazojnë bindjet e tyre të krishterët e vërtetë?
-
Çfarë cilësie i dallon të krishterët e vërtetë?
-
Me çfarë aktiviteti merren të krishterët e vërtetë?
EKSPLORO
Mëso më shumë për një grup që përpiqet me gjithë shpirt të ndjekë shembullin dhe mësimet e Jezuit.
Lexo se si një ish-murgeshë gjeti ‘një familje mbarëbotërore me vëllezër dhe motra’.
«Ata përdornin Biblën për t’iu përgjigjur çdo pyetjeje» (Kulla e Rojës, 1 prill 2014)
Shih si të krishterët e vërtetë tregojnë dashuri për njëri-tjetrin në raste katastrofash.
Ndihmojmë vëllezërit tanë në raste katastrofash—Fragment (3:57)
Shqyrto se si të krishterët e hershëm dhe të krishterët e vërtetë sot kanë treguar me prova se janë vërtet dishepuj të Jezuit.
«Si ta dallojmë krishterimin e vërtetë?» (Kulla e Rojës, 1 mars 2012)
Mund të të pëlqejë edhe . . .
PYETJE QË BËHEN MË SHPESH
Çfarë është kursi për studimin e Biblës që ofrojnë Dëshmitarët e Jehovait?
Nëpërmjet programit interaktiv falas që ofrojnë Dëshmitarët e Jehovait, mund të përdorësh çdo lloj përkthimi të Biblës. Ndihu i lirë të ftosh tërë familjen ose miqtë e tu.
