PJESA IV
Që nga mbreti i parë i Izraelit deri te robëria në Babiloni
Sauli u bë mbreti i parë i Izraelit. Por pastaj Jehovai e hodhi poshtë Saulin dhe, në vend të tij, u zgjodh mbret Davidi. Do të mësojmë shumë gjëra për Davidin. Kur ishte i ri, ai luftoi kundër gjigantit Goliad. Më vonë, u arratis për të shpëtuar nga mbreti xheloz Saul. Pastaj, Abigaila e matur e ndaloi që të mos bënte një gjë të pamend.
Më pas mësojmë shumë gjëra për birin e Davidit, Solomonin, që u bë mbret i Izraelit pas Davidit. Secili prej tre mbretërve të parë të Izraelit mbretëroi për 40 vjet. Pas vdekjes së Solomonit, Izraeli u nda në dy mbretëri, mbretëria veriore dhe ajo jugore.
Mbretëria veriore prej 10 fisesh zgjati 257 vjet, para se të shkatërrohej nga asirianët. Pastaj, 133 vjet më pas u shkatërrua edhe mbretëria jugore prej 2 fisesh. Në këtë kohë, izraelitët u çuan robër në Babiloni. Kështu, PJESA IV përfshin 510 vjet të historisë. Gjatë kësaj kohe, shohim shumë ngjarje emocionuese.
NË KËTË PJESË
TREGIMI 56
Sauli
Nga shembulli i Saulit, i cili në fillim u zgjodh nga Jehovai e pastaj u hodh poshtë prej Tij, nxjerrim një mësim të rëndësishëm.
TREGIMI 58
Davidi dhe Goliadi
Davidi nuk luftoi kundër Goliadit vetëm me hobenë e tij, por me një armë shumë më të fuqishme.
TREGIMI 59
Pse Davidi duhet të arratiset
Në fillim Sauli ishte i kënaqur me Davidin por pastaj zhvilloi xhelozi vrastare për të. Pse?
TREGIMI 60
Abigaila dhe Davidi
Duke e quajtur të shoqin budalla, Abigaila i shpëton jetën atij—të paktën përkohësisht.
TREGIMI 61
Davidi bëhet mbret
Davidi tregon se është i kualifikuar për të qenë mbret i Izraelit, si me anë të gjërave që bën edhe të gjërave që nuk pranon të bëjë.
TREGIMI 62
Probleme në shtëpinë e Davidit
Ngaqë gabon rëndë Davidi i sjell gjëmën vetes dhe familjes së tij për vite të tëra.
TREGIMI 64
Solomoni ndërton tempullin
Edhe pse ishte shumë i mençur, Solomonit iu mbush mendja të bënte diçka të marrë e të gabuar.
TREGIMI 65
Mbretëria ndahet
Sapo Jeroboami filloi të sundojë, e shtyu popullin të thyente ligjin e Perëndisë.
TREGIMI 67
Jehozafati ka besim te Jehovai
Si ka mundësi që një ushtri shkon në betejë me këngëtarë të paarmatosur në krye?
TREGIMI 68
Dy djem kthehen prapë në jetë
A mund të kthehet në jetë dikush që ka vdekur? Kjo ka ndodhur më parë!
TREGIMI 69
Një vajzë ndihmon një burrë të fuqishëm
Ajo pati guximin të fliste dhe kjo solli një mrekulli.
TREGIMI 70
Jonai dhe peshku i madh
Jonai nxori një mësim të rëndësishëm në lidhje me bindjen ndaj Jehovait.
TREGIMI 71
Perëndia premton një parajsë
Parajsa që krijoi Perëndia në fillim ishte e vogël; ndërsa kjo parajsë do të mbushë gjithë tokën.
TREGIMI 72
Perëndia ndihmon mbretin Hezekia
Një engjëll vret 185.000 ushtarë asirianë brenda një nate.
TREGIMI 74
Një burrë që s’ka frikë
Jeremia mendoi se ishte tepër i ri për të qenë profet, por Perëndia e dinte se ai mund t’ia dilte.
TREGIMI 76
Jerusalemi shkatërrohet
Pse Perëndia lejon që babilonasit, armiqtë e Izraelit, ta shkatërrojnë Jerusalemin?
