U japin njerëzve shpresë të vërtetë

NJË i ri 17-vjeçar nga Moldova, ish-republikë e Bashkimit Sovjetik, i shkroi zyrës së Dëshmitarëve të Jehovait në atë vend, për të shprehur çmueshmërinë rreth serisë së artikujve «Ç’shpresë ka për të rinjtë e sotëm?» në numrin e Zgjohuni! të 8 shtatorit 1998 (anglisht). Ai shpjegonte:

«Mezi sa i mbaja lotët dhe duhet t’ju shkruaja, medoemos, për t’ju falënderuar. Artikujt më sollën ndër mend ndjenjat që provoja pak kohë më parë. Kur isha gati duke kryer vetëvrasje, Dëshmitarët e Jehovait më shpëtuan, pa e kuptuar as ata vetë. Duke folur me ta rreth shpresës për të ardhmen dhe duke forcuar besimin te mëshira e Krijuesit, dola pak nga pak nga gjendja e dëshpërimit. . . .

Ndihma që u jepni njerëzve, duke u bërë të njohur qëllimin e Perëndisë për të sjellë kushte më të mira jetese, është një shfaqje e vërtetë e dashurisë kundrejt të afërmit. Është e dukshme se këto përpjekje janë të frytshme. Përpjekjet tuaja për të nxjerrë në pah problemet më të rëndësishme të shoqërisë meritojnë të lavdërohen. Vazhdojeni këtë punë të dobishme. Jam në pritje të çdo numri të ri të kësaj reviste.»

Në paragrafin «Përse botohet Zgjohuni!», që gjendet në faqen 4 të çdo numri, thuhet: «Kjo revistë ndërton besimin në premtimin e Krijuesit për një botë të re paqësore dhe të sigurt, që do të zëvendësojë sistemin e sotëm të lig e të paligjshëm të gjërave.» Ky premtim i Perëndisë i dokumentuar në Bibël u ka dhënë miliona njerëzve anembanë tokës forcën për të përballuar problemet e këtyre kohërave me telashe.

Shpresën e vërtetë që na ofron Krijuesi do ta gjeni të përshkruar bukur në broshurën 32-faqëshe Cili është qëllimi i jetës? Si mund ta gjesh? Shikoni veçanërisht pjesët «Qëllimi i Perëndisë do të realizohet së shpejti» dhe «Të jetosh përgjithmonë në një tokë parajsore». Mund ta kërkoni këtë broshurë duke plotësuar dhe duke postuar kuponin shoqërues në adresën e treguar në kupon ose në njërën nga adresat e përshtatshme të radhitura në faqen 5 të kësaj reviste.

□ Më dërgoni një kopje të broshurës Cili është qëllimi i jetës? Si mund ta gjesh?

□ Ju lutem të viheni në kontakt me mua, për një studim biblik pa pagesë në shtëpi.