«Një vështrim rreth botës» në shkollë

EDELMIRA, një 15-vjeçare në Shtetet e Bashkuara, e përdori mirë revistën Zgjohuni! në shkollë. Në një letër drejtuar botuesve, ajo shkruante:

«Çdo të premte kemi si detyrë të bëjmë një raport për ndonjë ngjarje të kohëve të fundit. Lexova revistën Zgjohuni! të 22 prillit 2000 (shqip, maj 2000) dhe vendosa ta bazoja raportin tim në një pjesë të rubrikës ‘Një vështrim rreth botës’ të titulluar ‘Një kompani duhani pranon se pirja e duhanit shkakton kancer’. Shkrova një përmbledhje dhe ia lexova klasës. Mësuesja dhe nxënësit e tjerë dëgjonin me vëmendje të madhe. Kur mbarova, një shoqe më pyeti para të gjithëve nëse më ishte dashur shumë kohë për ta gjetur atë informacion. Unë i dhashë revistën Zgjohuni! Filloi ta lexonte me etje dhe një djalë i kongregacionit tonë, i cili më pas ndiqte të njëjtën orë mësimi me të, tha se kur e pa, ajo po e lexonte ende revistën. Tani kjo vajzë thotë se dëshiron të marrë çdo numër qoftë të revistës Zgjohuni!, qoftë të revistës shoqëruese Kulla e Rojës.

Kjo përvojë më bëri të ndihesha krenare që jam Dëshmitare e Jehovait. Më mësoi se kemi kaq shumë raste për të folur rreth Jehovait.» Edelmira e përfundon letrën e saj, duke thënë: «Dëshiroj t’ju falënderoj për punën e madhe që bëni për këto revista. Ju lutem, vazhdoni të botoni ‘Një vështrim rreth botës’!»