«Doja të mësoja më shumë për fenë time»
«Doja të mësoja më shumë për fenë time»
PËR një detyrë shtëpie në lëndën e historisë, Siara 12-vjeçare nga Florida, SHBA, zgjodhi një temë që ngjall interes, persekutimin e Dëshmitarëve të Jehovait në Gjermaninë naziste. «Zgjodha këtë temë, sepse doja të mësoja më shumë për fenë time,—thotë ajo.—Shpresoja të mësoja tamam çfarë kishin hequr Dëshmitarët e Jehovait gjatë Holokaustit.»
Pasi bëri mjaft kërkime, Siara përgatiti një piramidë prej druri të lyer me ngjyrë vjollcë, e cila përfaqësonte trekëndëshin ngjyrë vjollcë, që vendosej në uniformat e Dëshmitarëve të Jehovait si shenjë identifikuese në kampet e përqendrimit. Në çdo anë të piramidës, ajo ngjiti disa fotografi bashkë me shpjegimet përkatëse. Midis tyre ishte edhe letra shumë prekëse, por besimforcuese e Volfgang Kuserovit, një prej Dëshmitarëve të Jehovait, që e shkroi pak përpara se të ekzekutohej.—Shih Kullën e Rojës të 1 shtatorit 1985, faqja 14 (anglisht).
Siara shpjegoi qartë se ndryshe nga të burgosurit e tjerë, Dëshmitarët mund të zgjidhnin: nëse firmosnin një dokument ku deklaronin se mohonin besimin e tyre, do të liroheshin. Fakti që pjesa më e madhe nuk firmosi, është një dëshmi e besnikërisë së tyre.
Siara thotë se nxori shumë dobi që zgjodhi këtë temë për detyrën e caktuar. Sigurisht që e ndihmoi të mësonte më shumë për fenë e saj. «Pavarësisht se në atë kohë Dëshmitarët ishin një grup i vogël në Gjermani,—thotë ajo,—ata kishin besim të fortë, i cili i ndihmoi të përballonin përndjekjen që hasën.»
Nëse je një i ri Dëshmitar i Jehovait që shkon në shkollë, a ke rast që edhe ti të flasësh për historinë e fesë tënde?