A ka jetë pas vdekjes?

▪ Shumë veta do të donin të kishin përgjigje të sakta për pyetje të tilla, si: A ka jetë pas vdekjes? A është shpirti i pavdekshëm? Çfarë thotë me të vërtetë Bibla për ringjalljen mbi tokë?

Kohët e fundit, një grua në Francë i shkroi një letër zyrës së degës të Dëshmitarëve të Jehovait atje, lidhur me këto pyetje. Ajo shkruante: «Gjithnjë më pëlqen t’i lexoj broshurat tuaja, të cilat janë shumë të sakta në të gjitha llojet e temave. Jeta bëhet më e lehtë kur merr ndihmën dhe ngushëllimin që të ofron Bibla.»

Ajo shpjegonte: «Po ju shkruaj për broshurën Çfarë ndodh me ne kur vdesim?, e cila më ngushëlloi shumë. I shpjegonte gjërat qartë dhe thjeshtë.» Pastaj shtonte: «Do të doja të kisha 10 ose 15 kopje të kësaj broshure që t’ua jap atyre që njoh, me qëllim që edhe ata të nxjerrin dobi nga botimet tuaja.»

Edhe ju mund të nxirrni dobi duke lexuar broshurën me 32 faqe Çfarë ndodh me ne kur vdesim? Nëse doni të kërkoni një kopje, thjesht plotësoni kuponin shoqërues dhe dërgojeni në adresën e shkruar aty ose në një nga adresat e përshtatshme në faqen 5 të kësaj reviste.

□ Pa marrë përsipër asnjë lloj detyrimi, kërkoj një kopje të broshurës Çfarë ndodh me ne kur vdesim?

□ Ju lutem të viheni në kontakt me mua për një studim biblik pa pagesë në shtëpi.