PIKËPAMJA E BIBLËS
Mesia
Bibla paratha se Mesia do të vinte në botë e do t’i çlironte njerëzit nga sëmundjet, vuajtjet dhe vdekja. A është Jezu Krishti Mesia?
Si do ta dallonin njerëzit Mesinë?
Sipas profecive biblike, Mesia, ose Krishti, do të kishte dy role të ndryshme të ndara nga një periudhë e gjatë kohore. * Në rolin e parë do të ishte njeri. Prandaj, që të dallohej qartë, shkrimtarët e Biblës parathanë shumë aspekte të jetës e të shërbimit të tij. Në fakt, qëllimi kryesor i profecive biblike është ‘dëshmia për Jezuin’.
Kur ishte njeri, Jezui bëri në një masë të vogël atë që do të bëjë në shkallë globale si krijesë frymore e fuqishme
ÇFARË THOTË BIBLA:
Mesia do të . . .
-
ishte pasardhës i mbretit David.
—Isaia 9:7; Luka 3:23-31. * -
lindte në qytetin e Betlehemit.
—Mikea 5:2; Luka 2:4-7. -
shpallte me përulësi «lajmin e mirë».
—Isaia 61:1; Luka 4:43. -
përbuzej e përçmohej.
—Isaia 53:3; Mateu 26:67, 68. -
tradhtohej për 30 monedha të argjendta.
—Zakaria 11:12, 13; Mateu 26:14, 15. -
heshtte para akuzuesve teksa e dënonin pa të drejtë me vdekje.
—Isaia 53:6, 7; Mateu 27:12-14. -
ishte «qengji» flijues që do të hiqte mëkatin duke u dhënë mundësi njerëzve të kishin qëndrim të pastër para Perëndisë.
—Isaia 53:7; Gjoni 1:29, 34, 36. -
vritej pa iu thyer asnjë kockë.
—Psalmi 34:20; Gjoni 19:33, 36. -
varrosej me të pasurit.
—Isaia 53:9; Mateu 27:57-60. -
ringjallej ditën e tretë.
—Mateu 16:21; 28:5-7.
Jezui i përmbushi të gjitha këto profeci, e madje shumë të tjera. Gjithashtu, shëroi të sëmurë dhe ringjalli të vdekur. Në këtë mënyrë, jo vetëm na dha mjaft prova se ishte Mesia, por na dha edhe një bazë të fortë për t’u besuar premtimeve të Biblës se këto gjëra do t’i bëjë në shkallë globale në të ardhmen. (Luka 7:21-23; Zbulesa 21:3, 4) Pas ringjalljes, Jezui u ul ‘në të djathtën’ e Zotit, duke pritur kohën e caktuar për të që të përfundonte detyrën si Mesia.
«Kur të mbërrijë Krishti, mos do të kryejë më shumë shenja nga sa ka kryer ky njeri?!»
—Gjoni 7:31.
Si do ta përfundojë Mesia caktimin e tij?
Judenjtë në ditët e Jezuit pritnin që Mesia t’i çlironte nga sundimi romak dhe të qeveriste në një mbretëri të rivendosur të Izraelit. (Veprat 1:6) Dishepujt judenj të Jezuit e kuptuan më vonë se ai do ta plotësonte rolin e tij nga qielli si krijesë e fuqishme frymore e veshur me autoritet të madh.
ÇFARË THOTË BIBLA:
Në rolin e dytë, Mesia do të . . .
-
ishte Mbret i Mbretërisë së Perëndisë, një qeveri botërore.
—Danieli 7:13, 14; Zbulesa 11:15. -
bekonte të gjithë ata që tregojnë besim tek ai.
—Zanafilla 22:17, 18; Psalmi 72:7, 8. -
‘befasonte shumë kombe’ e sundimtarët e tyre kur t’i dërrmonte ngaqë e kundërshtojnë.
—Isaia 52:15; Zbulesa 19:19, 20. -
ruante «një shumicë të madhe» ndërkombëtare me njerëz të drejtë për në botën e re paqësore.
—Zbulesa 7:9, 10, 13-17. -
rikthente në jetë të vdekurit në Parajsën në tokë, bashkë me Perëndinë Jehova.
—Luka 23:43; Gjoni 5:21, 28, 29. -
mësonte nënshtetasit e tij në udhët e paqes së vërtetë.
—Isaia 11:1, 2, 9, 10. -
çrrënjoste mëkatin, shkakun që fshihet pas sëmundjeve dhe vdekjes.
—Gjoni 1:29; Romakëve 5:12. -
shkatërronte një herë e mirë të gjitha veprat e Satanait e do ta bashkonte familjen njerëzore nën drejtimin e Perëndisë Jehova.
—1 Korintasve 15:25-28; 1 Gjonit 3:8.
Jezui e përmbushi rolin e parë si Mesia. Ai do të përmbushë edhe të dytin. Prandaj, të mençurit e studiojnë nga afër jetën e Jezuit, sepse ai tha: «Unë jam udha, e vërteta dhe jeta.»
«Në ditët e tij, i drejti do të lulëzojë, dhe paqja do të jetë pa fund derisa të mos ketë më hënë. Do të ketë nënshtetas . . . deri në skajet e tokës.»
—Psalmi 72:7, 8.
^ par. 5 Fjala «Mesia» ka origjinë hebraike. «Krisht» është ekuivalenti i saj në gjuhën greke.
^ par. 7 Vargjet e para këtu tregojnë profecinë, kurse të dytat përmbushjen.
Mund të të pëlqejë edhe . . .
PËRGJIGJE PËR PYETJE RRETH BIBLËS
A provojnë profecitë mesianike se Jezui ishte Mesia?
A mund të ketë disa Mesia?
KULLA E ROJËS
«Kemi gjetur Mesinë»
Shumë veta besojnë se Jezui ishte Mesia i premtuar. Të tjerë jo. Shqyrto çfarë thotë Bibla.
