Ndonëse është e natyrshme të ndihemi të zemëruar kur na bien në qafë, Perëndia nuk e miraton kurrsesi hakmarrjen. Përkundrazi na nxit të jemi të duruar, sepse së shpejti ai vetë do të ndreqë të gjitha padrejtësitë.—Psalmi 37:7, 10.

Kur njerëzit e papërsosur marrin hak, vetëm sa ushqejnë rrethin vicioz të urrejtjes. Prandaj, nëse dikush të ka fyer ose të ka lënduar, mos u hakmerr. Përpiqu të tregosh vetëkontroll dhe të jesh paqësor. Në disa raste, vuan më pak nëse e hedh prapa krahëve. (Proverbat 19:11) Pa dyshim që mund të zgjedhësh ta trajtosh problemin nëse duket se ia vlen. Për shembull, nëse je viktimë e një krimi, mund të zgjedhësh ta raportosh në polici ose në instanca të tjera.

Po nëse duket se nuk ka një zgjidhje paqësore për problemin? Po nëse ke bërë tashmë gjithë sa ke në dorë për ta zgjidhur paqësisht? Mos u hakmerr! Kjo vetëm sa do ta përkeqësojë situatën. Më mirë jepi fund rrethit vicioz të urrejtjes. Mund të mësosh të kesh besim te zgjidhja që u jep Perëndia problemeve. «Mbështetu tek ai, dhe ai do të veprojë për të mirën tënde.»—Psalmi 37:3-5.