Kur lexojmë Biblën, mund të përdorim mjete të ndryshme për ta kuptuar më qartë atë që kemi lexuar. Megjithatë, nuk duam të studiojmë vetëm për të fituar më shumë njohuri. Duam të gjejmë xhevahire për personalitetin e Jehovait që do të na e thellojnë dashurinë për të. Për ta arritur këtë, mund të pyesim veten: «Çfarë më mëson ky fragment i Biblës për Jehovain?»

Për shembull, mund të përpiqemi të dallojmë mënyra se si i ka shfaqur Jehovai cilësitë e tij të spikatshme: dashurinë, mençurinë, drejtësinë dhe fuqinë. Mirëpo, personaliteti i Jehovait nuk kufizohet te këto cilësi, por përfshin edhe cilësi të tjera tërheqëse. Ku mund të mësosh më shumë për cilësitë e tij?

Në Treguesin e botimeve Watch Tower, te tema «Jehovai», e pastaj te nëntema «Cilësitë sipas emrit», mund të gjesh një listë me mbi 50 cilësi të tjera. Bëj kërkime për ato cilësi që lidhen me pjesën e Biblës që po lexon. (Nëse ke në dispozicion vetëm Mjet kërkimesh për Dëshmitarët e Jehovait, shko te tema «Perëndia Jehova», e pastaj te nëntema «Cilësitë e Jehovait».)