Po përdorin emrin hyjnor në Afrikën Qendrore

SHUMICA e njerëzve në Afrikën Qendrore besojnë te Perëndia. Nuk kanë asnjë dyshim se ai është Krijuesi i të gjitha gjërave. (Zbulesa 4:11) Megjithatë, si shumë njerëz të tjerë gjetkë, shpesh e shpërfillin emrin e tij personal, Jehova.

Njerëzit në Afrikën Qendrore, si edhe në vende të tjera të botës, e kanë fjalën për emrin e Perëndisë kur thonë «u shenjtëroftë emri yt» në lutjen Ati ynë. (Mateu 6:9) Por, për shumë kohë, pak veta e dinin këtë emër. Megjithatë, gjatë viteve, predikimi i zellshëm i Dëshmitarëve të Jehovait e ka ndryshuar qëndrimin e njerëzve ndaj përdorimit të emrit hyjnor. Sot, emri hyjnor është i njohur dhe i pranuar gjerësisht në shumë gjuhë afrikane, si: zulu (uJehova), jorube (Jehofah), xhose (uYehova) dhe suahile (Yehova). Gjithsesi, shumica e përkthimeve të Biblës në këto gjuhë e shmangin ende përdorimin e emrit hyjnor.

Një përkthim shumë i mirë që e përdor emrin hyjnor është Bibla në gjuhën zande, një gjuhë që flitet në disa pjesë të Republikës së Afrikës Qendrore, në Sudan dhe në Republikën Demokratike të Kongos. Në atë pjesë të botës, njerëzit e përdorin emrin e Perëndisë, duke e shqiptuar Yekova në gjuhën e tyre. Pavarësisht se si paraqitet emri hyjnor në një gjuhë, e rëndësishme është të përdoret. Përse? Sepse «kushdo që e thërret emrin e Jehovait, do të shpëtojë».—Romakëve 10:13.

[Harta dhe figura në faqen 32]

(Për tekstin e kompozuar, shiko botimin)

SUDANI

REPUBLIKA E AFRIKËS QENDRORE

REPUBLIKA DEMOKRATIKE E KONGOS

[Burimi]

The Complete Encyclopedia of Illustration/J. G. Heck