Pyetje nga lexuesit
Si emërohen pleqtë dhe shërbëtorët ndihmës në çdo kongregacion?
Në shekullin e parë të e.s., apostulli Pavël u tha pleqve që shërbenin në kongregacionin e Efesit: «Kushtojini vëmendje vetes dhe gjithë kopesë, mes së cilës fryma e shenjtë ju emëroi mbikëqyrës, që të kullotni kongregacionin e Perëndisë, të cilin ai e bleu me gjakun e Birit të vet.» (Vep. 20:28) Ç’rol luan fryma e shenjtë sot në emërimin e pleqve dhe të shërbëtorëve ndihmës?
Së pari, fryma e shenjtë i nxiti shkrimtarët e Biblës të hidhnin me shkrim kualifikimet për pleqtë dhe për shërbëtorët ndihmës. Te 1 Timoteut 3:1-7 renditen 16 kërkesa për pleqtë. Kualifikime të tjera gjenden në shkrime si Titit 1:5-9 dhe Jakovi 3:17, 18. Kurse te 1 Timoteut 3:8-10, 12, 13 përmblidhen kualifikimet për shërbëtorët ndihmës. Së dyti, ata që bëjnë rekomandimet dhe emërimet luten në mënyrë specifike që t’i drejtojë fryma e Jehovait teksa shqyrtojnë nëse një vëlla i plotëson kërkesat biblike në masë të arsyeshme. Së treti, ai që rekomandohet duhet të shfaqë në gjithë jetën e tij frytin e frymës së shenjtë të Perëndisë. (Gal. 5:22, 23) Pra, fryma e Perëndisë përfshihet në çdo aspekt të procesit të emërimit.
Por kush i emëron konkretisht këta vëllezër? Në të kaluarën, të gjitha rekomandimet për emërimin e pleqve dhe të shërbëtorëve ndihmës i dërgoheshin zyrës së degës. Atje, vëllezër të emëruar nga Trupi Udhëheqës ishin caktuar t’i shqyrtonin këto rekomandime dhe të bënin emërimet e duhura. Më pas, zyra e degës njoftonte trupin e pleqve. Pleqtë informonin për emërimin burrat e sapoemëruar dhe i pyetnin nëse ishin të gatshëm e vërtet të kualifikuar që ta pranonin caktimin. Në fund, jepej njoftimi para kongregacionit.
Po në shekullin e parë, si bëheshin këto emërime? Hera-herës, apostujt bënin emërime specifike, si në rastin kur emëruan shtatë burra që të merreshin me shpërndarjen e ushqimit të përditshëm për vejushat. (Vep. 6:1-6) Gjithsesi, ka të ngjarë që ata burra të ishin emëruar si pleq para se t’u jepej ky caktim shtesë.
Shkrimet nuk e shpjegojnë me hollësi si bëhej çdo emërim në atë kohë, ama na japin një Vep. 14:23) Vite më vonë, Pavli i shkruante shokut të udhëtimit, Titit: «Të lashë në Kretë që të ndreqje gjërat me të meta dhe të emëroje pleq qytet më qytet, ashtu si të urdhërova.» (Titit 1:5) Duket se një autoritet i tillë i ishte besuar edhe Timoteut, i cili udhëtoi shumë me apostullin Pavël. (1 Tim. 5:22) Pra shihet qartë se këto emërime i bënin mbikëqyrësit udhëtues, jo apostujt dhe pleqtë në Jerusalem.
ide. Për shembull, kur Pavli dhe Barnaba po ktheheshin nga udhëtimi i parë misionar, «emëruan pleq në çdo kongregacion dhe, duke u lutur me agjërime, ia besuan Jehovait, tek i cili ata kishin besuar». (Me këtë precedent biblik ndër mend, Trupi Udhëheqës i Dëshmitarëve të Jehovait ka bërë një ndryshim në mënyrën si emërohen pleqtë dhe shërbëtorët ndihmës. Që nga 1 shtatori 2014, emërimet bëhen kështu: çdo mbikëqyrës qarkor shqyrton me kujdes rekomandimet e bëra në qarkun e tij. Kur viziton kongregacionet, përpiqet t’i njohë vëllezërit e rekomanduar, duke punuar me ta në shërbim po të jetë e mundur. Pasi i diskuton rekomandimet me trupin e pleqve, ai ka përgjegjësinë të emërojë pleqtë dhe shërbëtorët ndihmës në kongregacionet e qarkut të tij. Në këtë mënyrë, ndiqet më nga afër modeli i shekullit të parë.
Pleqtë diskutojnë me mbikëqyrësin qarkor për kualifikimet biblike të një vëllai (Malavi)
Pra, cilët luajnë rol në këtë proces? Si gjithnjë, «skllavi i besueshëm dhe i matur» ka përgjegjësinë kryesore për të ushqyer shërbëtorët e shtëpisë. (Mat. 24:45-47) Kjo përfshin të hulumtojë Shkrimet me ndihmën e frymës së shenjtë, që të japë drejtim si të zbatohen parimet biblike që ndikojnë te mënyra e organizimit të kongregacionit mbarëbotëror. Gjithashtu, skllavi i besueshëm emëron të gjithë mbikëqyrësit qarkorë dhe anëtarët e Komitetit të Degës. Më tej, çdo zyrë dege jep ndihmë praktike që të ndiqet drejtimi i dhënë. Çdo trup pleqsh ka detyrën serioze t’i shqyrtojë mirë e mirë kualifikimet biblike të vëllezërve që rekomandon të emërohen në kongregacionin e Perëndisë. Çdo mbikëqyrës qarkor ka përgjegjësinë serioze t’i peshojë me kujdes rekomandimet e bëra nga pleqtë, të lutet shumë, e pastaj të emërojë burrat që kualifikohen.
Kur e kuptojmë si bëhen emërimet, dallojmë më qartë rolin e frymës së shenjtë në këtë proces. Kjo na e shton besimin dhe respektin ndaj vëllezërve të emëruar në kongregacionin e krishterë.
kapitulli 11 i Zbulesës?
Cilët janë dy dëshmitarët e përmendur te Zbulesa 11:3 flet për dy dëshmitarë që do të profetizonin për 1.260 ditë. Më tej thuhet se bisha ‘do t’i mundte dhe do t’i vriste’. Por, pas «tri ditëve e gjysmë» do të ktheheshin në jetë, dhe të gjithë ata që i shihnin do të mbeteshin gojëhapur.
Cilët janë këta dy dëshmitarë? Hollësitë që jep Bibla na ndihmojnë t’i identifikojmë. Së pari, thuhet se ata «paraqiten nga dy pemët e ullirit dhe nga dy shandanët». (Zbul. 11:4) Kjo na sjell ndër mend shandanin dhe dy pemët e ullirit që përshkruhen në profecinë e Zakarisë. Lexojmë se këto pemë ulliri përfaqësonin «dy të mirosurit», pra guvernatorin Zorobabel dhe kryepriftin Josi, ‘që qëndronin pranë Zotërisë së mbarë tokës’. (Zak. 4:1-3, 14) Së dyti, tregohet se dy dëshmitarët kryenin shenja të ngjashme me ato të Moisiut dhe të Elijas.
Ç’gjë të përbashkët kanë këto fragmente nga Zbulesa dhe nga Zakaria? Secili prej tyre bën fjalë për të mirosurit e Perëndisë që drejtuan adhurimin e vërtetë në një periudhë të rëndë sprovash. Kështu, në përmbushje të kapitullit 11 të Zbulesës, vëllezërit e mirosur që drejtuan veprën e predikimit kur u vendos Mbretëria e Perëndisë në qiell më 1914, predikuan «me copë thesi» për tre vjet e gjysmë.
Pasi predikuan të veshur me copë thesi, këta të mirosur i vranë në kuptim të figurshëm kur i hodhën në burg për një periudhë relativisht më të shkurtër, për tri ditë e gjysmë simbolike. Armiqtë e popullit të Perëndisë fluturonin nga gëzimi, sepse në sytë e tyre vepra e dy dëshmitarëve ‘ishte vrarë’.—Zbul. 11:8-10.
Gjithsesi, siç thoshte profecia, në fund të tri ditëve e gjysmë, dy dëshmitarët u kthyen në jetë. Këta të mirosur jo vetëm u liruan nga burgu, por besnikët morën një emërim special nga Perëndia me anë të Zotërisë së tyre, Jezu Krishtit. Më 1919 ishin mes atyre që u emëruan të shërbenin si «skllavi i besueshëm dhe i matur», që të plotësonin nevojat frymore të popullit të Perëndisë gjatë ditëve të fundit.
Është interesante që Zbulesa 11:1, 2 i lidh këto ngjarje me një periudhë kur tempulli frymor do të matej, pra do të vlerësohej. Kapitulli 3 i Malakisë flet për një hetim të ngjashëm të tempullit frymor, që pasohej nga një kohë pastrimi. (Mal. 3:1-4) Sa zgjati kjo vepër hetimi dhe pastrimi? Nga viti 1914 deri në fillim të 1919-s. Kjo periudhë përfshin edhe 1.260 ditët (42 muajt), edhe tri ditët e gjysmë simbolike të përmendura te kapitulli 11 i Zbulesës.
Sa të kënaqur jemi që Jehovai organizoi këtë vepër rafinimi frymor që të pastronte një popull të veçantë, të zellshëm për vepra të shkëlqyera! (Titit 2:14) Veç kësaj, e vlerësojmë shembullin e të mirosurve besnikë që drejtuan veprën e predikimit në atë periudhë sprovash, duke shërbyer kështu si dy dëshmitarët simbolikë. *
^ par. 18 Për më shumë informacion, shih Kullën e Rojës të 15 korrikut 2013, faqja 22, paragrafi 12.