Profecia 6. Një vepër globale predikimi
Profecia 6. Një vepër globale predikimi
«Ky lajm i mirë për mbretërinë do të predikohet në gjithë tokën e banuar.»—MATEU 24:14.
● Vajëtia jeton në një ishull të largët të Paqësorit, në Arkipelagun Tuamotu. Megjithëse në Tuamotu ka rreth 80 atole të shpërndara në një zonë prej më tepër se 800.000 kilometrash katrorë, popullsia e tij është rreth 16.000 banorë. Prapëseprapë, Vajëtinë dhe fqinjët e saj i kanë vizituar Dëshmitarët e Jehovait. Pse? Sepse Dëshmitarët duan t’ua japin të gjithë njerëzve lajmin e mirë për Mbretërinë e Perëndisë—pavarësisht se ku jetojnë.
ÇFARË TREGOJNË FAKTET? Mesazhi për Mbretërinë po përhapet në çdo skaj të globit. Vetëm në vitin 2010, Dëshmitarët e Jehovait kaluan mbi 1,6 miliardë orë duke shpallur këtë lajm të mirë në 236 vende. Mesatarisht, secili Dëshmitar ka kaluar 30 minuta çdo ditë në veprën e predikimit. Dekadën e kaluar, ata kanë prodhuar dhe shpërndarë më tepër se 20 miliardë botime për arsimimin biblik.
CILI ËSHTË NJË KUNDËRSHTIM I ZAKONSHËM? Mesazhi i Biblës ka mijëra vjet që predikohet.
A KA BAZA KY KUNDËRSHTIM? Është e vërtetë se mjaft veta kanë predikuar diçka për mesazhin e Biblës. Por, shumë prej tyre kanë predikuar vetëm për një kohë të shkurtër dhe në një shkallë të kufizuar. Në kontrast me ta, Dëshmitarët e Jehovait po kryejnë një fushatë predikimi të organizuar e në mbarë botën, që arrin qindra milionë njerëz. Dëshmitarët kanë ngulmuar në veprën e tyre të predikimit me gjithë kundërshtimin e ashpër nga disa prej organizatave më të fuqishme e më të pamëshirshme që ka njohur historia e njerëzimit. * (Marku 13:13) Për më tepër, Dëshmitarët e Jehovait nuk paguhen për të predikuar. Në vend të kësaj, kalojnë kohë vullnetarisht në predikim dhe e japin literaturën pa kërkuar para. Vepra e tyre mbështetet tërësisht nga kontribute vullnetare.
SI MENDONI? A po predikohet në mbarë botën «ky lajm i mirë për mbretërinë»? A mund të nënkuptojë përmbushja e kësaj profecie se presim shumë shpejt diçka më të mirë?
[Shënimi]
^ par. 6 Për më shumë informacion, shihni dokumentarët «Besnikë nën sprova», «Trekëndëshat vjollcë» dhe «Dëshmitarët e Jehovait qëndrojnë të patundur përballë sulmit nazist» (anglisht), të shpërndarë nga Dëshmitarët e Jehovait.
[Diçitura në faqen 9]
«Për aq kohë sa të lejojë Jehovai, do të vazhdojmë të predikojmë me zell lajmin e mirë për Mbretërinë, duke përdorur çdo mjet të mundshëm që t’ua japim këtë lajm njerëzve.»—LIBRI VJETOR I DËSHMITARËVE TË JEHOVAIT 2010.
