QËNDRONI VIGJILENTË!
Dhuna politike—Çfarë thotë Bibla?
Mbarë botën e ka mbërthyer një valë dhune me motive politike.
Në Meksikë, vrasja e 39 kandidatëve politikë—një shifër e paprecedentë—bashkë me format e tjera të dhunës politike kanë shokuar njerëzit dhe i kanë shpërqendruar nga zgjedhjet elektorale 2023-2024.
Kohët e fundit, Evropa është përfshirë në incidente të shumta të dhunës politike, ndër to edhe tentativa për vrasje kundër kryeministrit të Sllovakisë më 15 maj 2024.
Shtetet e Bashkuara janë tronditur nga tentativa për vrasje kundër ish-presidentit Donald Tramp më 13 korrik 2024.
Pse kaq shumë dhunë politike? A do të marrë fund ndonjë ditë? Çfarë thotë Bibla?
Përçarjet politike ishin parathënë
Bibla kishte parathënë se në ditët tona, që i quan «ditët e fundit», shumë njerëz do të shfaqnin qëndrime që nxitnin dhunën dhe mosmarrëveshjet.
«Në ditët e fundit do të ketë kohë kritike, të vështira për t’u përballuar. Njerëzit do të jenë . . . mosmirënjohës, të pabesë, . . . nuk do të jenë të gatshëm për asnjë marrëveshje, . . . të egër, . . . tradhtarë, kokëkrisur, të krekosur.»—2 Timoteut 3:1-4.
Bibla kishte parathënë edhe se trazira të tilla, si protestat dhe rrëmujat politike do të ishin të zakonshme në kohët që jetojmë. (Luka 21:9, shënimi) Gjithsesi, dhuna dhe përçarjet politike nuk do të zgjatin përgjithmonë.
Fundi i dhunës politike
Bibla shpjegon se Perëndia do t’i zëvendësojë të gjitha qeveritë njerëzore me qeverinë e vet qiellore.
«Perëndia i qiellit do të vendosë një mbretëri që . . . do të thërrmojë e do t’u japë fund të gjitha këtyre mbretërive, dhe vetëm ajo do të qëndrojë përgjithmonë.»—Danieli 2:44.
Mbretëria e Perëndisë do të jetë një forcë bashkuese për të gjithë njerëzit dhe do të vendosë paqe në mbarë tokën.
Lideri i saj, Jezu Krishti, quhet «Princ i Paqes» dhe do të sigurohet që ‘paqja të mos ketë fund’.—Isaia 9:6, 7.
Që sot, nënshtetasit e kësaj Mbretërie po mësojnë të jetojnë në paqe. Me ç’rezultat? Bibla thotë: «Ata do t’i shndërrojnë shpatat në plore dhe heshtat në kiza për krasitje. Kombet nuk do ta ngrenë shpatën kundër njëri-tjetrit, as do të mësojnë më të luftojnë.»—Isaia 2:3, 4.
Që të mësosh më shumë, lexo artikullin «Çfarë do të bëjë Mbretëria e Perëndisë?» dhe shih videon Çfarë është Mbretëria e Perëndisë?
Mund të të pëlqejë edhe . . .
KULLA E ROJËS
Çfarë do të realizojë Mbretëria e Perëndisë?
Jezui e dinte se Mbretëria e Perëndisë është e vetmja qeveri që mund të zgjidhë problemet në tokë. Çfarë ka realizuar tashmë Mbretëria e Perëndisë që të kemi besim tek ajo?
QËNDRONI VIGJILENTË!
Njerëzit po humbasin besimin te politikanët—Çfarë thotë Bibla?
Bibla na nxit të bëjmë kujdes se kujt t’i besojmë dhe na tregon zgjidhjen e vetme më të besueshme për të një ardhme më të mirë.
QËNDRONI VIGJILENTË!
Pse po i përçan politika njerëzit?—Çfarë thotë Bibla?
Në mbarë botën politika po shkakton gjithnjë e më shumë përçarje. Bibla tregon zgjidhjen—një lider që mund t’i bashkojë të gjithë njerëzit.
KULLA E ROJËS
Cilin udhëheqës ka zgjedhur Perëndia?
TEMA TË TJERA
Shpresë e sigurt për një të ardhme më të mirë
Pse premtimet e Biblës janë ndryshe nga premtimet dhe parashikimet e njerëzve?
MËSIME NGA BIBLA
Provo Kursin tonë për Studimin e Biblës
Fillo një kurs falas interaktiv për Biblën me ndihmën e një mësuesi.
