Konflikti në Ukrainë ka nxjerrë në pah se mjaft udhëheqës të krishterimit po u fryjnë flakëve të luftës. Vini re si i ka mbështetur kleri të dyja palët në konflikt:

•   «U shprehim nderimin dhe mirënjohjen më të thellë të gjithë luftëtarëve tanë që po mbrojnë atdheun, Ukrainën, nga agresori. . . . Ju kemi në zemër, lutemi sinqerisht për ju dhe keni gjithmonë mbështetjen tonë.»—Mitropoliti Epifani I i Kievit, siç raportohet në The Jerusalem Post, 16 mars 2022.

•   «Të dielën, kreu i Kishës Ortodokse Ruse mbajti një shërbesë fetare për ushtarët rusë ku u bëri thirrje të mbrojnë atdheun ‘ashtu siç dinë të bëjnë vetëm rusët’, ndërkohë që Moska vazhdon fushatën e saj ushtarake në Ukrainë.»—Reuters, 3 prill 2022.

 A duhet të luftojnë të krishterët? Çfarë thotë Bibla?

 Bibla tregon se kush e ndjek vërtet shembullin e Jezu Krishtit, nuk merr pjesë në luftë.

•   «Ktheje shpatën në vendin e vet, sepse të gjithë ata që marrin shpatën, nga shpata do të vdesin.»—Mateu 26:52.

   A po u bindet vërtet fjalëve të Jezuit dikush që miraton luftën?

•   «Po ju jap një urdhërim të ri: ta doni njëri-tjetrin. Ashtu si ju kam dashur unë, ta doni edhe ju njëri-tjetrin. Nga kjo do ta dinë të gjithë se jeni dishepujt e mi: nëse keni dashuri për njëri-tjetrin.»—Gjoni 13:34, 35.

   Nëse dikush mbështet luftën, a po shfaq atë lloj dashurie që Jezui tha se do të identifikonte dishepujt e tij?

 Për më shumë informacion, lexoni artikullin «A duhet të përfshihen në luftë të krishterët?»

 A është realiste të presësh që të krishterët të mos përfshihen në luftërat e sotme? Po. Bibla paratha se në kohën tonë, që njihet edhe si «ditët e fundit», do të kishte njerëz nga të gjitha kombet të cilët, në harmoni me mësimet e Jezuit, ‘nuk do të mësonin më të luftonin’.—Isaia 2:2, 4.

•   Për të zbuluar më shumë, lexoni serinë e artikujve të Kullës së Rojës me temë «Çfarë mendon Zoti për luftën?»

 Së shpejti Jehovai, a «Perëndia i paqes», do t’i shpëtojë njerëzit «nga shtypja dhe dhuna» me anë të qeverisë së tij qiellore.—Filipianëve 4:9; Psalmi 72:14.

•   Për të kuptuar si do të ndodhë kjo, shihni videon Çfarë është Mbretëria e Perëndisë?