DËSHMITARËT E JEHOVAIT në Saponara të Sicilisë, morën një pllakë përkujtimore për ndihmën që dhanë pas një përmbytjeje në atë zonë.

Më 22 nëntor 2011, një përmbytje shkatërrimtare përfshiu disa nga qytetet dhe fshatrat në provincën e Mesinës. Atë mbrëmje, në Saponara, nga rrëshqitjet e dheut humbën jetën tre persona, një djalë i vogël dhe dy burra.

Ditët pasuese, Dëshmitarët e Jehovait organizuan disa skuadra vullnetarësh dhe i pajisën me mjete për të pastruar baltën dhe mbeturinat në zonat e prekura më tepër.

Këto skuadra bashkëpunuan me autoritetet lokale dhe dhanë ndihmën e tyre atje ku kishte më tepër nevojë. Nuk e ndalën punën edhe pasi u mor ndihma urgjente. Morën pjesë 50 deri 80 Dëshmitarë, disa prej të cilëve kishin ardhur nga mbi 97 kilometra larg.

Disa banorë të zonës së prekur nga katastrofa u shprehën mirënjohjen e tyre Dëshmitarëve. Kryebashkiakun e dëgjoje shpesh të thoshte: «Jeni një shembull i vërtetë!»

Pesë muaj më vonë, këshilltari Fabio Vinçi, në emër të qytetit i dorëzoi një pllakë përkujtimore kongregacionit vendës të Dëshmitarëve të Jehovait.