Ne kemi përdorur gjithmonë Biblën si autoritetin e vetëm për bindjet tona, ndaj i kemi ndrequr ato ndërkohë që na është qartësuar kuptueshmëria për Shkrimet. a

 Ndryshime të tilla janë në përputhje me parimin biblik te Proverbat 4:​18, që thotë: «Shtegu i të drejtëve është si drita e agimit, që ndriçon gjithnjë e më shumë, derisa bëhet ditë e plotë.» Ashtu si drita e diellit në agim që e përshkon peizazhin gradualisht, edhe Perëndia e jep kuptueshmërinë e të vërtetave hyjnore gradualisht, në kohën e duhur sipas tij. (1 Pjetrit 1:​10-​12) Siç e paratha Bibla, ai e ka përshpejtuar këtë proces gjatë ‘kohës së fundit’.​—Danieli 12:4.

 Këto ndryshime në kuptueshmëri as nuk duhet të na habitin, as nuk duhet të na shqetësojnë. Edhe adhuruesit e lashtë të Zotit kishin ide e pritshmëri të gabuara dhe duhej të ndreqnin pikëpamjen.

•   Moisiu u ofrua për të çliruar kombin e Izraelit 40 vjet para kohës së caktuar nga Perëndia.​—Veprat 7:​23-​25, 30, 35.

•   Apostujt nuk e kuptuan profecinë që parathoshte vdekjen dhe ringjalljen e Mesisë.​—Isaia 53:​8-​12; Mateu 16:21-​23.

•   Disa të krishterë të hershëm kishin ide të gabuara për kohën kur do të vinte «dita e Jehovait».​—2 Selanikasve 2:​1, 2.

 Më vonë Perëndia ua ndreqi kuptueshmërinë e gabuar dhe lutemi që të vazhdojë të bëjë të njëjtën gjë edhe me ne.​—Jakovi 1:5.