21 KORRIK 2014
AUSTRI
Nderohen Dëshmitarët e Jehovait në kampin e përqendrimit Gusen
SELTERS, Gjermani—Të dielën, më 13 prill 2014, në kampin e përqendrimit muze Gusen në Austri u përurua një pllakë përkujtimore për nder të rreth 450 Dëshmitarëve të Jehovait që u burgosën nga nazistët në kampin e përqendrimit Mauthausen dhe në kampin më të vogël të varur prej tij, në Gusen. Në këtë ceremoni morën pjesë më se 130 vizitorë.
Pllaka përkujtimore që u përurua gjatë një ceremonie të mbajtur në kampin e përqendrimit në Gusen, më 13 prill, 2014.
Kur Dëshmitarët mbërritën në kampin e përqendrimit Mauthausen, komandanti i kërcënoi duke thënë: «Asnjë Student i Biblës s’ka për të dalë gjallë që këtu!» Martin Poetzinger, i cili u mbijetoi nëntë viteve burgimi në Dachau, Mauthausen dhe në Gusen e që më vonë shërbeu si anëtar i Trupit Udhëheqës të Dëshmitarëve të Jehovait në Bruklin, Nju-Jork, duke iu referuar kohës që kaloi në Mauthausen, tha: «Gestapoja përdori çdo metodë që të na thyente integritetin.»
Maj, 1945: kampi i përqendrimit Gusen. Martin Poetzinger (ulur në rreshtin e parë, i dyti nga e majta) me 23 të mbijetuar të tjerë pak pasi u liruan.
Disa nga Dëshmitarët në Mauthausen u transferuan më pas në kampin më të vogël, në Gusen. Ky njihej si «kampi i vrasjes», ku vrasje të qëllimshme e të planifikuara ishin pjesë e rutinës ditore. Për ta mbajtur të fortë besimin, Dëshmitarët mblidheshin në grupe të vogla natën e flisnin për shkrime që kujtonin nga Bibla. Në një rast, arritën të merrnin një Bibël. E ndanë në pjesë që të gjithë t’i përdornin faqet me radhë. Këto i lexonin të fshehur poshtë shtretërve gjatë asaj pak kohe të lirë që kishin.
Me maturi, Dëshmitarët e ndanin edhe me të tjerët mesazhin e Biblës. Pesë të burgosur polakë studiuan Biblën dhe u pagëzuan fshehurazi në një govatë druri të bërë enkas për atë qëllim. Një Dëshmitar, Franz Desch, i dha mesazhin e Biblës një oficeri të SS-ve, i cili më vonë u bë Dëshmitar i Jehovait.
Wolfram Slupina, zëdhënës për Dëshmitarët e Jehovait në Austri, u shpreh: «E vlerësojmë faktin që Dëshmitarët po i kujtojnë për besimin e guximin gjatë kohës që ishin në kampet Gusen dhe Mauthausen. Vendosmëria e tyre për t’i trajtuar të gjithë me empati dhe mirëdashje të krishterë është një fitore mbi ligësinë, e denjë për t’u kujtuar e imituar.»
Zëdhënësi(t) për mediat:
Ndëkombëtar: J. R. Brown, Zyra e informacionit publik, tel. +1 718 560 5000
Austri: Wolfram Slupina, tel. +49 6483 41 3110
Mund të të pëlqejë edhe . . .
LAJME
70-vjetori i lirimit të të mbijetuarve të Aushvicit, ndër ta kujtohen edhe Dëshmitarët e Jehovait
Më 27 janar 2015, të mbijetuar të Aushvicit, delegacione shtetërore dhe mijëra të ftuar, do të kujtojnë 70-vjetorin e lirimit nga kampi gjerman i përqendrimit dhe i vdekjes.
LAJME
Përurohet në Gjermani monumenti i një Dëshmitari që mbijetoi gjatë holokaustit
Çfarë i dha forcë Max Liebster për të mbijetuar në pesë kampe naziste të përqendrimit?
LAJME
Richard Rudolph, i mbijetuar i kampeve të përqendrimit, vdes në Gjermani në moshën 102 vjeç
Richard Rudolph, Dëshmitar i Jehovait, vuajti mbi 19 vjet në burgje gjatë regjimit nazist dhe atij komunist për bindjet e tij fetare.
LAJME
Përkujtohet në Sachsenhausen Dëshmitari i Jehovait i ekzekutuar nga nazistët
Më 16 shtator 2014, Fondacioni i Përkujtimoreve i Brandenburgut do të kujtojë 75-vjetorin e vdekjes së z. August Dickmann në kampin e përqendrimit në Sachsenhausen. Ndër ata që nuk pranonin të shkonin në luftë, ai ishte i pari që u ekzekutua nga nazistët në Gjermani gjatë Luftës II Botërore.