23 SHKURT 2022
BRAZIL
Shirat e dendura dhe rrëshqitjet e dheut shkaktojnë dëme të mëdha në një qytet malor në Brazil
Më 15 shkurt 2022, stuhi të forta shiu sollën si pasojë rrëshqitje dheu që shkaktuan edhe vdekje, në qytetin malor të Petrópolisit në shtetin e Rio-de-Zhanejros, Brazil. Kjo katastrofë shkatërroi shtëpi dhe biznese. Në 24 orë ra një sasi rekord shiu prej 26 centimetrash.
Si ndikoi te motrat dhe vëllezërit tanë
1 vëlla u dëmtua rëndë dhe u dërgua në spital. Mjerisht, djali i tij 2 vjeç humbi jetën si pasojë e rrëshqitjes së dheut
1 vëlla tjetër humbi jetën
86 lajmëtarë u evakuan
2 shtëpi u shkatërruan
15 shtëpi pësuan dëme të rënda
2 Salla Mbretërie pësuan dëme të lehta
Ndihma në rast katastrofash
Për të organizuar dhënien e ndihmës u ngrit një Komitet Ndihme në Rast Katastrofash
Mbikëqyrësi qarkor dhe pleqtë e kongregacionit po sigurojnë ushqim, ujë, veshje dhe inkurajim nga Bibla për vëllezërit e prekur nga katastrofa
Vëllezërit e motrat e evakuar po qëndrojnë përkohësisht te të afërmit ose te Dëshmitarë të tjerë
E gjithë ndihma po jepet duke respektuar masat parandaluese kundër COVID-19
Ndërsa lutemi për vëllezërit e motrat e prekur nga katastrofa, kemi bindje të plotë se Jehovai ‘do t’u ngushëllojë zemrën dhe do t’i bëjë të patundur’ sidomos ata që kanë humbur njerëz të dashur.—2 Selanikasve 2:16, 17.