Më 17 nëntor 2023, një tërmet nënujor me magnitudë 6,7 ballë goditi në jug të Filipineve. Tërmeti ndodhi 26 kilometra larg ishullit të Mindanaos, në jug. Në rajonin e Davaos, në Xheneral-Santos-Siti dhe në provincën e Saranganit janë dëmtuar shumë ndërtesa, përfshirë ndërtesa qeveritare, shkolla dhe qendra tregtare. Gjithashtu janë dëmtuar edhe shumë shtëpi.

• Mjerisht, 1 motër ka vdekur

• 10 vëllezër e motra janë plagosur. Ndër këta edhe gruaja e një mbikëqyrësi qarkor, e cila është çuar në spital dhe është jashtë rrezikut

• 4 shtëpi kanë pësuar dëme të mëdha

• 4 shtëpi kanë pësuar dëme të vogla

• 2 Salla Mbretërie kanë pësuar dëme të vogla

• Është ngritur një Komitet Ndihme në Rast Katastrofash për të koordinuar punën për dhënien e ndihmës

• Mbikëqyrësit qarkorë dhe pleqtë po u japin zemër nga Shkrimet të prekurve nga katastrofa

Lutemi për vëllezërit e motrat e prekur nga ky tërmet dhe falënderojmë ata që po kujdesen për këta vëllezër e motra. Jemi të sigurt se, ndonëse jetojmë në kohë kritike e të trazuara, Jehovai, Shkëmbi ynë, do të na japë forcën për të qëndruar.—1 Samuelit 2:2.