Tajfuni Rei (që në vend njihet si Odeta) goditi zona të ndryshme të Filipineve nga 16-18 dhjetori 2021. Era arriti një maksimum prej 195 kilometrash në orë kur goditi vendin e parë në Filipine, ishullin Siargao. Provincat në Mindanaon Veriore, në Luzonin Jugor dhe në Visajas pësuan dëme të mëdha.

• Mjerisht vdiqën 4 lajmëtarë

• 1 lajmëtar nuk është gjetur akoma

• 12 vëllezër e motra u lënduan

• Mbi 2.000 lajmëtarë janë evakuar

• 246 shtëpi janë shkatërruar

• 327 shtëpi pësuan dëme të mëdha

• 1.174 shtëpi pësuan dëme të lehta

• 43 Salla Mbretërie pësuan dëme të vogla

• Për të mbikëqyrur punën, u formuan 6 Komitete të Ndihmës në Rast Katastrofash

• Pleqtë vendës po u japin zemër vëllezërve e motrave në zonë, ndër ta edhe atyre që humbën një njeri të dashur

• E gjithë kjo punë po bëhet duke respektuar masat parandaluese kundër COVID-19

Nën drejtimin e pleqve, vëllezërit e motrat nga zonat që nuk u prekën nga tajfuni, dhuruan ushqime dhe veshje për lajmëtarët që u prekën nga kjo katastrofë. Pakot me ushqime nga qyteti i Davaos u shpërndanë menjëherë te familjet në nevojë në qytetin e Surigaos.

Na ther në zemër që disa vëllezër e motra të shtrenjtë humbën jetën në këtë katastrofë. Ndërsa përballemi me këto «kohë kritike, të vështira për t’u përballuar», vazhdojmë të mbështetemi te Jehovai për ngushëllim dhe forcë.—2 Timoteut 3:1.