Luson

• Më 11 nëntor 2020, tajfuni Vamko, që në Filipine njihet edhe si Ulises, goditi Patnanunganin në provincën e Kesonit dhe më pas shkatërroi shumë zona të Lusonit

• Tajfuni Vamko është cikloni tropikal i 21-të që prek Filipinet këtë vit dhe ka shkaktuar një ndër përmbytjet më të mëdha që ka parë ky vend

• Ky tajfun që shkatërroi disa pjesë të Lusonit, erdhi më pak se 2 javë pas supertajfunit Goni, i cili konsiderohet si një nga stuhitë më të fuqishme në Filipine që nga viti 2013

• Shirat e rrëmbyeshme që pasuan stuhitë, e rritën nivelin e ujit në disa diga kryesore. Ngaqë rrezikohej struktura e tyre, autoritetet u detyruan të shkarkonin një pjesë të ujit. Për pasojë pati përmbytje edhe në zona që nuk ishin prekur nga tajfuni Vamko

• Më tepër se 600 familje u shpërngulën. Disa prej tyre duhej të hipnin në çati për t’i shpëtuar përmbytjes para se të vinte dikush për t’i evakuar

• Një vëlla i ri u plagos nga disa copëza xhami që e goditën në fytyrë. Ai po e merr veten

Sipas një raporti fillestar:

• Të paktën 6 Salla Mbretërie dhe 1 Zyrë Rajonale Përkthimi u përmbytën

• Të paktën 20 shtëpi u dëmtuan

• 1 shtëpi u shkatërrua plotësisht

• Mbikëqyrësit qarkorë dhe pleqtë vendës po koordinojnë punën që vëllezërit e evakuar të kenë mjaftueshëm ushqim, ujë si edhe strehim e gjëra të tjera të domosdoshme

• Disa familje janë kthyer në shtëpitë e tyre dhe kanë filluar t’i pastrojnë

• U formuan edhe 3 Komitete të Ndihmës në Rast Katastrofash që po organizojnë punën për dhënien e ndihmës

• Vëllezërit po u binden me shumë kujdes udhëzimeve të sigurisë për shkak të COVID-19 ndërsa japin ndihmë dhe mbështetje

Jemi të bindur se Jehovai do t’i mbështetë motrat dhe vëllezërit tanë në këto momente të vështira. Mezi presim kohën kur i gjithë populli i Jehovait të banojë në paqe dhe siguri, pa pasur frikë nga asnjë katastrofë natyrore.—Psalmi 4:8.