Më 16 nëntor 2018, cikloni Gaja i ka shkaktuar dëme të mëdha Tamil-Nedusë (më parë Madras), shtet në jug të Indisë. Të paktën 46 njerëz kanë humbur jetën, rreth 250.000 janë shpërngulur dhe mbi 85.000 shtëpi janë dëmtuar ose shkatërruar.

Sipas raportit të degës së Indisë, asnjë Dëshmitar nuk është lënduar dhe nuk ka vdekur. Megjithatë, kanë pësuar dëme 38 shtëpi të vëllezërve dhe 2 Salla Mbretërie. Dega ka formuar një Komitet të Ndihmës në Rast Katastrofash që të koordinojë punën për dhënien e ndihmës, që përfshin furnizimin e lajmëtarëve të prekur me ushqim dhe ujë.

Lutemi që vëllezërit e motrat në zonat ku ka goditur cikloni Gaja të marrin zemër nga kujdesi i dashur që tregon Jehovai me anë të pleqve.—1 Pjetrit 5:2.