Shira të rrëmbyera shkaktuan përmbytje në rajonin e Emilia-Romanjas në veri të Italisë. Duke filluar nga 15 maji 2023, brenda 2 ditësh, në rajon ra rreth 50 centimetra shi, duke prekur kështu mbi 40 komuna. Si pasojë vdiqën të paktën 14 veta, ndërsa mijëra të tjerë u evakuan nga shtëpitë e tyre.

• Asnjë motër a vëlla nuk ka humbur jetën dhe as është lënduar

• 342 lajmëtarë dhe familjet e tyre janë evakuar

• 167 shtëpi janë përmbytur, 72 prej të cilave kanë pësuar dëme të mëdha

• 1 Sallë Mbretërie pësoi dëme të mëdha

• 3 Salla Mbretërie pësuan dëme të vogla

• Mbikëqyrësit qarkorë dhe pleqtë vendës po u japin zemër nga Shkrimet dhe po u sigurojnë ndihmë praktike të prekurve nga kjo katastrofë

• U ngrit një Komitet Ndihme në Rast Katastrofash për të organizuar dhënien e ndihmës

Mezi presim kohën kur askush s’do të jetojë më me frikën e katastrofave natyrore, sepse «tenda e Perëndisë [do të jetë] me njerëzit».—Zbulesa 21:3, 4.