Në fillim të korrikut 2020 në Kiushu pati reshje të mëdha, ndryshe nga ç’bie zakonisht, të cilat shkaktuan përmbytje dhe rrëshqitje dheu. Për pasojë janë prekur sidomos disa vëllezër e motra që jetojnë në qytetet e Minamatës dhe të Hitojoshit në prefekturën e Kumamotos, si dhe në qytetin e Omutës në prefekturën e Fukuokës. Asnjë prej tyre nuk ka vdekur, por një vëlla e një motër janë dëmtuar lehtë. Gjithashtu, përmbytjet dëmtuan 48 shtëpi të vëllezërve dhe dy Salla Mbretërie. Dy Salla të tjera u dëmtuan nga rrëshqitjet e dheut.

Komiteti i Ndihmës në Rast Katastrofash në Kiushu/​Okinavë, të cilin dega e Japonisë e kishte caktuar të kujdesej për ndihmat gjatë COVID-19, tani po merret me ndihmat pas përmbytjeve. Përfaqësues nga Reparti Vendës i Projektim-Ndërtimit dhe mbikëqyrësit qarkorë në atë rajon po mbështetin punën urgjente për dhënien e ndihmës.

Lutemi që Jehovai, «Perëndia që jep qëndrueshmëri dhe ngushëllim», t’i mbështetë vazhdimisht vëllezërit e motrat që u prekën nga kjo katastrofë.—Romakëve 15:5.