Nga 19 deri më 23 gusht 2023, jugu i Kilit u përball me stuhi të fuqishme e përmbytje masive. Mjerisht, kjo përmbytje preku shumë vëllezër e motra, të cilët tashmë kishin pësuar një përmbytjeje tjetër në qershor të 2023-shit. Raportet tregojnë se, në rajon, këto reshje të stinës ishin më intensivet e këtyre 10 viteve të fundit. Rritja e temperaturës së ujit në Oqeanin Paqësor, si dhe fenomeni i njohur El Ninjo, shkaktuan shumë më tepër reshje e përmbytje në mjaft vende. Janë dëmtuar ose shkatërruar afërsisht 25.000 shtëpi dhe të paktën 3 veta kanë vdekur.

• Asnjë vëlla ose motër nuk ka humbur jetën dhe as është lënduar

• 225 lajmëtarë janë shpërngulur

• 13 shtëpi pësuan dëme të mëdha

• 38 shtëpi pësuan dëme të vogla

• 3 Salla Mbretërie dhe shtëpia e një vëllai ku mbaheshin mbledhjet, pësuan dëme të vogla

• Pleqtë vendës dhe mbikëqyrësit qarkorë po i inkurajojnë nga Shkrimet dhe po u sigurojnë ndihmë praktike të prekurve nga kjo katastrofë

• Janë ngritur 2 Komitete të Ndihmës në Rast Katastrofash për të mbikëqyrur punën për dhënien e ndihmës

Lutemi për vëllezërit e motrat e prekur nga përmbytjet në Kili dhe mezi presim kohën kur do të jetojmë nën Mbretërinë e Perëndisë, ku katastrofa të tilla nuk do të ndodhin më.—Isaia 32:18.