Për herë të parë në histori, qeveria e Koresë së Jugut po lejon shërbimin alternativ civil për ata që nuk pranojnë të kryejnë ushtrinë për shkak të ndërgjegjes. Më 26 tetor 2020, 63 vëllezër pranuan këtë formë shërbimi dhe nisën caktimin trevjeçar në një nga dy burgjet. Në këto caktime përfshihet shërbimi i ushqimit, blerjet, arsimimi, higjiena dhe kujdesi për shëndetin, si dhe mirëmbajtja. Sipas ligjit, vëllezërit nuk mund të largohen nga burgu për 2 muaj. Pas kësaj periudhe, ata do të lejohen të marrin pjesë në aktivitetet e tyre teokratike pas orarit të punës. Gjithsesi, në orën 9 të mbrëmjes duhet të kthehen prapë në caktim.

Kim Hun Su, një nga 63 vëllezërit, tha: «Edhe pse sistemi nuk i përmbush të gjitha standardet ndërkombëtare, vendosa ta pranoja këtë shërbim, sepse punët kanë natyrë civile dhe nuk kanë fare lidhje me ushtrinë.»

Jemi të bindur se vëllezërit tanë besnikë në Korenë e Jugut do të vazhdojnë ta nderojnë e t’i sjellin lavdi Jehovait me ‘veprat e tyre të shkëlqyera’.—Mateu 5:16.