MEKSIKO—Dëshmitarët e Jehovait nxorën Shkrimet e Krishtere Greke—Përkthimi Bota e Re në gjuhën tzotzil në një kongres që u mbajt më 26-28 dhjetor 2014 në Tuxtla Gutierrez, Chiapas. Kongresi rajonal «Vazhdoni të kërkoni në radhë të parë Mbretërinë e Perëndisë!» u mbajt në gjuhën tzotzil, një gjuhë e popullsisë maja, dhe u transmetua në një vend tjetër në Comitan, Chiapas. Përveç Biblës, të 5.073 të pranishmit morën edhe gjashtë botime të reja në tzotzil.

Një zëdhënës i Dëshmitarëve të Jehovait në Meksikë, Gamaliel Camarillo, thotë: «Jemi tejet të emocionuar që Shkrimet e Krishtere Greke—Përkthimi Bota e Re doli në gjuhën tzotzil. Mezi presim t’ua japim këtë përkthim atyre që flasin tzotzil.»

Sipas Sekretariatit të Arsimit Publik për Meksikën, gjuha tzotzil flitet nga më shumë se 350.000 njerëz në Gadishullin e Kalifornisë, Campeche, Chiapas, Oaxaca dhe Verakruz. Për t’u dhënë mesazhin e Biblës banorëve tzotzil, Dëshmitarët kanë ngritur një zyrë përkthimi për gjuhën tzotzil, e cila përbëhet nga 15 përkthyes që ndodhen në San Cristobal de las Casas, Chiapas. Më 2002, Dëshmitarët nxorën botimin e parë në tzotzil. Tani Dëshmitarët e Jehovait kanë më tepër se 60 botime tzotzil që mund të shkarkohen nga siti i tyre zyrtar, jw.org.

Zëdhënësi(t) për mediat:

Ndërkombëtar: J. R. Brown, Zyra e Informacionit Publik, tel. +1 718 560 5000

Meksikë: Gamaliel Camarillo, tel. +52 555 133 3048