Më 6 tetor 2022, Gjykata e Krahinës së Nakimovskit në Sevastopol shpalli fajtorë vëllezërit Vladimir Maladejka, Vladimir Sakada dhe Jevgeni Zhukovi dhe e dënoi secilin me gjashtë vite burg. Dënimi i tyre hyri në fuqi menjëherë.

1. 1 tetor 2020

   Agjentë të FSB-së bastisin shtëpitë e nëntë familjeve Dëshmitarë të Jehovait në Sevastopol, përfshirë shtëpitë e familjeve Maladejka, Sakada dhe Zhukovi. Gjatë kontrollit në shtëpinë e familjes Maladejka, agjentët gjejnë një enë të vogël me qumësht pluhur. Me pretendimin se ena mban diçka që ngjan si «substancë narkotike», autoritetet i futin vëlla Maladejkën dhe të shoqen, Nataljan, në një qendër psikiatrike për kontroll. Nataljan e nxjerrin më vonë po atë ditë. Kurse vëlla Maladejkën, bashkë me vëllezërit Sakada dhe Zhukovi, i futin në burg të përkohshëm. Të nesërmen i çojnë në një qendër paraburgimi

2. 23 mars 2021

   Vëlla Sakadën e lirojnë nga paraburgimi dhe e kalojnë në arrest shtëpie. I vendosin një pajisje gjurmimi dhe e urdhërojnë të mos përdorë Internetin, të mos bëjë telefonata e as të mos komunikojë me vëllezërit e tjerë të përfshirë në çështje

3. 30 mars 2021

   Vëlla Maladejkën e lirojnë nga paraburgimi dhe e kalojnë në arrest shtëpie

4. 17 maj 2021

   Vëlla Zhukovin e lirojnë nga paraburgimi pas më shumë se shtatë muajsh dhe e kalojnë në arrest shtëpie

5. 30 shtator 2021

   Fillon procesi penal

Jemi besimplotë se Jehovai do t’u forcojë zemrat këtyre vëllezërve dhe të gjithë atyre që po përndiqen në Krime.—1 Selanikasve 3:12, 13.