Në fillim të gushtit 2024, mbi oqeanin Atlantik u krijua një stuhi tropikale që shpejt u fuqizua dhe u shndërrua në një uragan, uragani Debi. Pastaj, më 5 gusht 2024, ky uragan i kategorisë 1 goditi Stainhaçin, Florida, SHBA, me erëra që shkuan deri në 130 kilometra në orë. Veç kësaj, uragani krijoi të paktën 12 tornado përgjatë shtegut që përshkoi. Erërat e furishme dhe shirat e rrëmbyera lanë pa energji elektrike qindra mijë veta. Në Shtetet e Bashkuara mbetën të vrarë të paktën 8 veta.

Nga atje, Debi, që u dobësua dhe u kthye në një stuhi të fuqishme tropikale, avancoi dalëngadalë në veri, drejt Kanadasë. Të premten, më 9 gusht 2024, në provincën kanadeze të Kuebekut, ranë 22 centimetra shi brenda 24 orëve. Shirat e rrëmbyera përmbytën shtëpi, dëmtuan infrastrukturën në disa zona të provincës dhe detyruan qindra veta të evakuoheshin drejt zonave më të sigurta. Sipas raporteve, në Kanada ka humbur jetën 1 person.

Shtetet e Bashkuara

• Asnjë vëlla ose motër nuk ka humbur jetën

• 1 lajmëtar është shtruar në spital

• 23 lajmëtarë janë evakuar

• 7 shtëpi pësuan dëme të mëdha

• 60 shtëpi pësuan dëme të vogla

• 1 Sallë Mbretërie pësoi dëme të vogla

Kanada

• Asnjë vëlla ose motër nuk ka humbur jetën. Megjithatë, me keqardhje njoftojmë se një student i Biblës humbi jetën nga rrëshqitja e dheut

• 1 lajmëtar u dëmtua

• 23 lajmëtarë u evakuan, por tani shumica janë kthyer në shtëpitë e tyre

• 2 shtëpi pësuan dëme të mëdha

• 165 shtëpi pësuan dëme të vogla

• Asnjë Sallë Mbretërie nuk është dëmtuar ose shkatërruar

• Mbikëqyrësit qarkorë dhe pleqtë vendës në Shtetet e Bashkuara dhe në Kanada po u japin zemër nga Shkrimet dhe ndihmë praktike atyre që janë prekur nga kjo katastrofë

• Në Kanada, është ngritur një Komitet Ndihme në Rast Katastrofash, i cili po siguron ndihmën e nevojshme

Vazhdojmë të lutemi për ata që janë prekur nga kjo stuhi e fuqishme. Gjithashtu marrim zemër nga siguria se Jehovai do të jetë gjithmonë «shpëtimi ynë në kohë vuajtjesh».—Isaia 33:2.