Më 27 shtator 2022, uragani Ian shkaktoi dëme të mëdha në Kubë. Të nesërmen u shndërrua në një stuhi të kategorisë 4 dhe goditi jugperëndimin e Floridës. Ky uragan është ndër stuhitë më të fuqishme që ka goditur ndonjëherë Shtetet e Bashkuara dhe ka sjellë erëra të fuqishme me shpejtësi 240 kilometra në orë. Uragani mori para lagje të tëra, shkaktoi ndërprerje të energjisë elektrike për shumë banorë, dëmtoi rëndë infrastrukturën, si dhe përmbyti sipërfaqe të mëdha toke ndërsa kaloi ngadalë nëpër vend dhe doli në Oqeanin Atlantik. Më pas u kthye sërish në tokë, në Karolinën e Jugut.

Për shkak të kësaj stuhie vdekjeprurëse, mbi 12.000 lajmëtarë në Florida ose u evakuan, ose u shpërngulën nga shtëpitë e tyre.

Mbikëqyrësit qarkorë po bashkëpunojnë me përfaqësues të Departamentit Vendës të Projektim-Ndërtimit, për t’u ardhur në ndihmë pleqve që po kujdesen për nevojat urgjente të të prekurve nga kjo katastrofë.

Kubë

• Mjerisht, një vëlla ka vdekur

• 2 vëllezër pësuan dëmtime të lehta

• 300 shtëpi pësuan dëme të vogla

• 491 shtëpi pësuan dëme të mëdha

• 63 shtëpi u shkatërruan

• 40 vende ku mbahen mbledhjet, pësuan dëme të mëdha

• 1 vend ku mbahen asambletë, pësoi dëme të vogla

• 3 vende ku mbahen asambletë, pësuan dëme të mëdha

Florida

• Asnjë vëlla a motër nuk ka humbur jetën

• 2 lajmëtarë pësuan dëmtime të lehta

• 5.874 lajmëtarë nuk janë kthyer akoma në shtëpitë e tyre pas shpërnguljes

• 1.559 shtëpi pësuan dëme të vogla

• 367 shtëpi pësuan dëme të mëdha

• 47 shtëpi janë shkatërruar

• 329 shtëpi janë bërë sërish të sigurta për të jetuar

• 71 shtëpi janë meremetuar

• 38 ndërtesa që përdorin Dëshmitarët e Jehovait për adhurim, pësuan dëme të vogla

• 1 Sallë Mbretërie pësoi dëme të mëdha

• 1 Sallë Asamblesh pësoi dëme të mëdha

Karolina e Jugut

• Asnjë vëlla a motër nuk është dëmtuar e as ka humbur jetën

• 35 lajmëtarë janë shpërngulur

• 13 shtëpi pësuan dëme të vogla

• Mbikëqyrësit qarkorë dhe pleqtë vendës po u japin zemër nga Shkrimet familjeve të prekura nga kjo katastrofë dhe po u sigurojnë ndihmë praktike

• Në Florida, përgjatë rrugës së evakuimit u ngritën 14 qendra të përkohshme për dhënien e ndihmave, për të ndihmuar vëllezërit e motrat

• Për të mbikëqyrur punën për dhënien e ndihmave, në Florida dhe në Kubë u ngritën Komitete të Ndihmës në Rast Katastrofash

• E gjithë kjo punë po bëhet duke respektuar masat parandaluese kundër COVID-19

Kur vëllezërit tanë u vijnë në ndihmë bashkadhuruesve gjatë ngjarjeve tragjike, dalin më se të vërteta këto fjalë të psalmistit: «Atë që ka besim te Jehovai, e rrethon dashuria e Tij besnike.»—Psalmi 32:10.