Më 30 nëntor 2022, Gjykata e Qytetit të Armjanskit në Republikën e Krimesë shpalli fajtorë vëllezërit Aleksandër Dubovjenko dhe Aleksandër Litviniuk. Të dy vëllezërit i dënuan me 6 vite burg dhe i arrestuan menjëherë në sallën e gjyqit.

Inkurajohemi jashtë mase kur dimë se Jehovai është përkrah nesh kudo qofshim dhe kurdoherë që hasim sprova.—Psalmi 139:7-12.

1. 2 gusht 2021

   Ngrihet një çështje penale. Të dy vëllezërit i akuzojnë se përdorin videokonferencën për të promovuar aktivitetet e një organizate ekstremiste

2. 5 gusht 2021

   Kontrollojnë shtëpitë e 8 familjeve që janë Dëshmitarë të Jehovait, ndër to edhe shtëpitë e familjeve Dubovjenko dhe Litviniuk. Vëllanë Litviniuk e arrestojnë dhe e futin në një burg të përkohshëm

3. 6 gusht 2021

   Vëllanë Litviniuk e lirojnë nga burgu i përkohshëm dhe e vendosin në arrest shtëpie

4. 9 gusht 2021

   Autoritetet kontrollojnë për herë të dytë shtëpinë e familjes Dubovjenko. Aleksandrin e marrin në pyetje dhe e vendosin në arrest shtëpie

5. 11 gusht 2021

   Vëllanë Litviniuk e akuzojnë zyrtarisht se organizon veprimtaritë e një organizate ekstremiste

6. 8 shkurt 2022

   Vëllanë Dubovjenko e akuzojnë zyrtarisht se organizon veprimtaritë e një organizate ekstremiste

7. 29 prill 2022

   Nis procesi gjyqësor. Gjykatësi hedh poshtë kërkesën e vëllait Litviniuk për t’u vizituar te doktori dhe për të marrë trajtim mjekësor ndërkohë që është në arrest shtëpie

8. 8 shtator 2022

   Të dy vëllezërit i lejojnë të dalin nga shtëpia nga ora 7 e mëngjesit deri në 7 të mbrëmjes

9. 30 nëntor 2022

   Të dy vëllezërit i dënojnë me 6 vite burg