Rreth 3.000 vëllezër dhe motra po marrin pjesë në fushatën e veçantë me stenda gjatë Lojërave Panamerikane dhe Lojërave Parapanamerikane në Limë, Peru. Në këto lojëra, që nisën më 26 korrik 2019 dhe që do të përfundojnë më 1 shtator, do të marrin pjesë më tepër se 8.500 atletë dhe pritet të vijnë rreth 250.000 turistë.

Lajmëtarët kanë vendosur 100 stenda në 53 pika të ndryshme, që sa më shumë vizitorë të marrin dëshmi për të vërtetën. Literatura është e disponueshme në gjuhët ajmare, angleze, franceze, keçua (ajakuço), portugeze dhe spanjolle. Gjithashtu ka video në gjuhën peruane të shenjave, për ata që nuk dëgjojnë ose që kanë vështirësi me dëgjimin.

Vëlla Kemps Moran Hurtadoja, që po ndihmon në organizimin e fushatës, thotë: «Falë kësaj fushate mund të flasim me sa më shumë njerëz nga formime dhe kultura të ndryshme, pasi këto evente kanë audiencë ndërkombëtare. Dëshmia me stenda është një aspekt i rëndësishëm i veprës së arsimimit nga Bibla, pasi të gjithë mund të shikojnë Dëshmitarët e Jehovait që predikojnë në zona publike.»

Mezi presim të dëgjojmë më shumë për këtë fushatë predikimi. Jemi të sigurt se Jehovai do të vazhdojë të bekojë punën e vëllezërve dhe të motrave në Peru, teksa predikojnë kudo ku janë njerëzit.—Veprat 17:17.