Më 20 shkurt 2022 u prezantuan Shkrimet e Krishtere Greke—Përkthimi Bota e Re në gjuhën kipende. Ky përkthim u prezantua gjatë një programi të regjistruar paraprakisht. Vëlla Nikolas Hifingeri, anëtar i Komitetit të Degës në Kongo (Kinshasë), ia prezantoi versionin dixhital të Biblës një auditori me rreth 10.000 lajmëtarë. Botimi i shtypur do të jetë në dispozicion në prill 2022.

Historia e Dëshmitarëve të Jehovait në fushën e gjuhës kipende filloi në vitet 60 kur një burri me emrin Makanda Madinga Henri i ra në dorë një revistë Kulla e Rojës. Pasi shqyrtoi informacionin në revistë, u bind se mesazhi i saj ishte i vërtetë dhe nisi t’u tregonte të tjerëve për ato që po mësonte. Me kalimin e kohës ai u pagëzua si Dëshmitar i Jehovait. Ndërsa kongregacioni i parë në gjuhën kipende u formua më vonë në Kiefu, në vitin 1979.

Ky përkthim do të ndihmojë vëllezërit e motrat për studimin e tyre personal dhe për predikimin e lajmit të mirë. Për shembull, vëlla Hifingeri shpjegoi se në këtë botim të ri që është «edhe i saktë, edhe i qartë . . . emri i Jehovait është rivendosur kudo që ishte në tekstin origjinal».

Lutemi që Përkthimi Bota e Re t’i ndihmojë vëllezërit ‘të vazhdojnë të japin fryt në çdo vepër të mirë e të rriten në njohurinë e saktë të Perëndisë’.—Kolosianëve 1:10.