21 MAJ 2024
RUSI

E konsideron privilegj të mbrojë emrin e Jehovait

LUAJ

Së shpejti, Gjykata e Qytetit të Biskut, në Territorin e Altait do të shpallë vendimin për vëlla Sergei Lukinin. Prokuroria nuk është shprehur ende se çfarë dënimi kërkon për të.

Të dhëna

Sergei Lukini

Lindur: 1971 (Bisk)

Biografia: Menaxhon një rezervat peshqish

Në vitin 1991 u martua me Jelenën. Kanë 1 djalë, 1 vajzë dhe 1 mbesë

Në vitin 1998, mamaja e Sergeit u bë Dëshmitare e Jehovait. Ajo e nxiti të lexonte Biblën. Sergeit i bëri shumë përshtypje harmonia e Fjalës së Perëndisë. U pagëzua më 2010

Komente personale

Cili varg nga Bibla të ka dhënë forcë?

Në fillim, kur u bëra Dëshmitar i Jehovait hasa disa vështirësi. Humba punën dhe m’u desh të përballoja kundërshtimin nga familja. Gjatë asaj kohe, kalova një periudhë shkurajimi. Psalmi 118:6 më dha shumë zemër: «Jehovai është me mua, ndaj nuk do të kem frikë. Ç’mund të më bëjë njeriu?!» Tani, kur del ndonjë problem, këto fjalë më japin shumë forcë. Për shembull, kur autoritetet më kontrolluan shtëpinë dhe më morën në pyetje, e dija që s’kisha arsye pse të frikësohesha. Jehovai më dha një qetësi të jashtëzakonshme. Pas kësaj, më pushtoi gëzimi. Fillova të mendoja se si duhej të ishin ndier apostujt pasi i kishin rrahur për hir të emrit të Jezuit. E kuptoj edhe më qartë se më është dhënë privilegji për të mbrojtur emrin e Jehovait. Dua të bëj gjithçka mundem për të qenë në lartësinë e këtij privilegji.

Jemi mirënjohës për shembullin e Sergeit, sepse na kujton se dashuria për Jehovain na ndihmon ‘ta hedhim tej frikën’.—1 Gjonit 4:18.

Tabelë kronologjike

1 dhjetor 2022

Ngrihet çështja penale
25 janar 2023

I kontrollojnë shtëpinë dhe zyrën. E marrin në pyetje dhe i vendosin kufizime për udhëtimet
25 janar 2024

Fillon procesi penal

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME