30 GUSHT 2019
RUSI
Gjykata ruse do të vendosë javën tjetër për vëlla Moskalenkon
Gjykatësi Ivan Belih i Gjykatës së Krahinës së Zhileznadarozhnit në Habarovsk ka programuar që vendimin për çështjen penale kundër vëlla Valeri Moskalenkos, 52 vjeç, ta shpallë më 2 shtator 2019.
Vëlla Moskalenko ka qenë në paraburgim që kur e arrestuan mëngjesin e 2 gushtit 2018, kur Shërbimi i Sigurimit Federal (SHSF) dhe policia i bastisën shtëpinë. Para se ta arrestonin, agjentët i kontrolluan shtëpinë për gati pesë orë. Ngaqë ishte në paraburgim për më shumë se një vit, shqetësohemi se mos e dënojnë dhe e futin në burg pikërisht siç ndodhi me Denis Kristensenin.
Më 18 dhjetor 2018 pranë Gjykatës Evropiane të të Drejtave të Njeriut (GJEDNJ) u paraqit një ankesë Moskalenko kundër Rusisë. Pranë GJEDNJ-së janë paraqitur mbi 50 ankesa kundër Rusisë. Qeveria ruse tashmë është njoftuar për 34 prej tyre.
Jemi krenarë për vëllezërit e motrat tanë të dashur në Rusi ‘për qëndrueshmërinë dhe besimin që po tregojnë në të gjitha përndjekjet dhe vështirësitë që po hasin’. S’diskutohet që Jehovai po i mbështet dhe po i bekon. Lutemi që Ai të vazhdojë t’i japë vëlla Moskalenkos forcën e nevojshme për të qëndruar me gëzim, pavarësisht nga vendimi që do të merret javën tjetër.—2 Selanikasve 1:4, nwt.