18 TETOR 2024
RUSI

«Jehovai do të më shpërblejë»

LUAJ

Gjykata Krahinore e Vizelkovskit në Territorin e Krasnodarit së shpejti do të shpallë vendimin për çështjen e motër Vasilina Penskait. Prokuroria nuk është shprehur ende se çfarë dënimi kërkon për të.

Të dhëna

Vasilina Penskai

Lindur: 1997 (Vojselki)

Biografia: Punon si pastiçere

Me Dëshmitarët e Jehovait u njoh nëpërmjet mamasë së saj. Vasilinës i bëri përshtypje këshilla e Biblës se si të zgjedhim miq të mirë. U pagëzua në vitin 2014

U martua me Dmitrin në vitin 2018

Për mamanë e Vasilinës, motër Jelena Rumjancevin, është ngritur një çështje tjetër penale

Komente personale

Çfarë të ka ndihmuar ta mbash të fortë besimin te Jehovai?

Kur të përndjekin, fare kollaj mund të ndihesh e vetmuar, e pambrojtur dhe e pasigurt. Kam kuptuar se, po ta mbaj mendjen te këto ndjenja, mund të shkurajohem dhe të mos e adhuroj me të njëjtin zell Jehovain. Megjithatë, kam përjetuar një cilësi të Jehovait që më jep guxim të shoh përpara. Ai është një Perëndi jashtëzakonisht mirënjohës. Nuk më detyrohet për asgjë, e prapëseprapë i vëren dhe i vlerëson përpjekjet e mia për t’i shërbyer. M’i dëgjon lutjet dhe, nga ngushëllimi që marr kur lexoj Fjalën e tij, ndihem sikur e kam aty e më fshin lotët. Nëse kam frikë, më mbron dhe më bëhet krah nëpërmjet vëllezërve e motrave. Dhe më jep forcë kur duhet të dal në mbrojtje të emrit të tij. Shumë Dëshmitarë të Jehovait përjetojnë përndjekje. E hasin në shkollë, në punë, madje edhe në shtëpi. Prandaj jam e sigurt se Jehovai do të më shpërblejë mua dhe të gjithë ata që i qëndrojnë besnikë.

Jemi mirënjohës që Jehovai vëren çdo shërbëtor të tij që has përndjekje dhe i siguron se ‘vepra e tyre do të shpërblehet’.—Jeremia 31:16.

Tabelë kronologjike

13 shkurt 2022

I kontrollojnë shtëpinë
23 maj 2023

Ngrihet çështja penale. E akuzojnë se flet për Biblën dhe se merr pjesë në mbledhjet fetare e paqësore të Dëshmitarëve të Jehovait. I bllokojnë llogarinë bankare
18 korrik 2023

I vendosin kufizime për udhëtimet
31 janar 2024

Fillon procesi penal

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME