23 MAJ 2024
RUSI

«Jehovain do ta kem përkrah»

LUAJ

Gjykata Krahinore e Urupskit në Republikën e Karaçajevo-Sirkasianit së shpejti do të shpallë vendimin për çështjen e vëllait Aleksei Pasinkov. Prokuroria nuk është shprehur ende se çfarë dënimi kërkon për të.

Të dhëna

Aleksei Pasinkovi

Lindur: 1988 (Moskë, Rajoni i Moskës)

Biografia: U rrit nga një nënë e vetme. Punon si hidraulik dhe për finiturat e ambienteve të brendshme

Mamaja e tij filloi të studionte Biblën kur Aleksei ishte 10 vjeç. Atij i bënë përshtypje respekti që Dëshmitarët kishin për Biblën dhe dashuria që tregonin. Mamaja e tij u pagëzua në vitin 2000, ndërsa Aleksei më 2002

U martua me Julian më 2013. Kanë një djalë me aftësi ndryshe

Komente personale

Cili varg i Biblës ju jep forcë, ty dhe bashkëshortes sate?

Reflektoj shpesh për vargun e 1 Korintasve 10:13, që thotë: «Nuk keni hasur asnjë sprovë që të mos e kenë hasur edhe të tjerë. Por Perëndia është besnik dhe nuk do të lejojë që të sprovoheni përtej asaj që mund të mbani. E kur të vijnë sprovat, ai do të sigurojë edhe rrugëdaljen, që t’u bëni ballë.» Bashkë me gruan kemi kaluar shumë vështirësi këto vitet e fundit. Djali ynë lindi me një problem të rëndë mendor. Tani është 8 vjeç dhe ka nevojë për kujdes të vazhdueshëm. Në vitin 2021, prindërit e gruas pësuan aksident me makinë, ku babai i saj vdiq dhe e ëma ngeli invalide. Pastaj nisi edhe ky persekutim. Ky varg më kujton se të gjitha këto vështirësi ndodhin thjesht ngaqë janë pjesë e këtij sistemi. Por kushedi sa herë e kemi ndier pranë Jehovain, duke na dhënë forcë për të qëndruar. S’do mend që dëshiroj që të gjitha këto probleme të zgjidhen sa më shpejt të jetë e mundur, por jam i sigurt se, edhe po të zgjatin më shumë sesa mendoj unë, Jehovain do ta kem përkrah.

Sa na ngushëllon mendimi se, pavarësisht nga lloji i sprovës, gjithnjë mund të gjejmë strehë te Jehovai dhe të gëzojmë.—Psalmi 5:11.

Tabelë kronologjike

23 nëntor 2021

Autoritetet arrestojnë Aleksein në vendin e punës dhe pastaj i kontrollojnë shtëpinë
8 dhjetor 2022

Ngrihet çështja penale
3 mars 2023

I kontrollojnë shtëpinë për herë të dytë. Aleksei dhe Julia merren në pyetje
31 mars 2023

Kontrollojnë shtëpinë e mamasë dhe të vëllezërve të Alekseit
4 tetor 2023

I vendosin kufizime për udhëtimet
14 dhjetor 2023

Fillon procesi penal

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME