7 KORRIK 2022
RUSI

Jevgeni Ziniçi i qëndron besnik Jehovait, njësoj si prindërit dhe gjyshërit

LUAJ

Më 27 qershor 2022, Gjykata e Krahinës së Oktiabërskit në Krasnojarsk dënoi vëlla Jevgeni Ziniçin me 6 vite burg. Atë e futën menjëherë në burg.

Tabelë kronologjike

11 dhjetor 2020

Jevgenit i kontrollojnë shtëpinë
21 janar 2021

Ngrenë një çështje penale kundër tij
19 tetor 2021

E akuzojnë zyrtarisht për organizim të veprimtarive të një organizate ekstremiste
20 qershor 2021

I vënë kufizime për udhëtimet
14 dhjetor 2021

Fillon procesi penal

Të dhëna

Jevgeni Ziniçi

Lindur: 1966 (Nazarovo, Territori i Krasnojarskut)

Biografia: Prindërit dhe gjyshërit u përndoqën për shkak të besimit gjatë periudhës sovjetike

Më 1982 u pagëzua si Dëshmitar i Jehovait. Në vitin 1988 u martua me Marinë dhe rritën një vajzë. Maria vdiq pak para se të mbaronte procesi penal

Komente personale

Prindërit dhe gjyshërit e tu dhe të gruas sate janë përndjekur për shkak të besimit. Si të ka ndihmuar shembulli i tyre?

Përndjekja i ka shoqëruar gjatë gjithë kohës Dëshmitarët e Jehovait. Kam nxjerrë mësime me vlerë nga shembulli i prindërve dhe i gjyshërve të mi. Ata kurrë nuk u zemëruan dhe nuk u fyen nga gjithë sa hoqën. E kishin të qartë se mund të përndiqeshin, përderisa ishin të krishterë të vërtetë. Kur mendoj për shembullin e prindërve të mi, e kuptoj se besimin e bazonin te kuptueshmëria e thellë për të vërtetën dhe te miqësia me Perëndinë. Një nga gjërat që kujtoj mirë nga fëmijëria, është kur shihja tim atë ulur në gjunjë duke u lutur me përulësi.

Kjo ishte e vërtetë edhe për prindërit e bashkëshortes sime, Marisë. E vërteta nuk ishte thjesht pjesë e jetës së tyre; ishte jeta e tyre. Ata e ndihmuan Marinë të kishte një besim të fortë, zakone të mira studimi dhe të merakosej sinqerisht për vëllezërit e motrat në kongregacion. Deri në fund të jetës, madje edhe kur Maria ishte sëmurë dhe po merrte mjekime, interesohej për të tjerët e u jepte zemër. Ajo më sillte ndër mend se kush kishte nevojë për një fjalë inkurajuese.

Çfarë të ka ndihmuar t’ia dalësh mbanë mes gjithë këtyre vështirësive?

Dua të jem gjithnjë i dobishëm për Jehovain dhe për vëllezërit e motrat, dhe kjo më ka motivuar të mos dorëzohem. Jam përpjekur të ndihmoj sa më shumë vëllezër të mundesha në burg. Ka qenë një kënaqësi e veçantë që isha një mjet në dorën e Jehovait për të bërë diçka për ta dhe jam ndier i dobishëm. Kam mësuar edhe si kujdeset Jehovai për secilin prej nesh.

Kur shoh sa të mirë e bujarë janë vëllezërit e motrat, e dalloj edhe më qartë dashurinë dhe miratimin e Jehovait. Këto akte mirësie kanë qenë edhe më domethënëse për mua, sidomos gjatë këtyre muajve të fundit që jam pikëlluar në zemër nga humbja e Marisë.

Jemi të sigurt se Jehovai po i shfaq dashuri dhe po e ngushëllon Jevgenin ndërsa përpiqet të ruajë guximin e qëndrueshmërinë gjatë këtyre kohëve të vështira, njësoj si prindërit e gjyshërit e tij.—Psalmi 86:17.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME