21 NËNTOR 2023
RUSI

Katër Dëshmitarë në Tulë, Rusi, dënohen me vënie në provë

LUAJ

Më 20 nëntor 2023, Gjykata Krahinore e Proletarskit në Tulë shpalli fajtorë vëllezërit Jevgeni Godunov dhe Gurami Labadzje dhe motrat Julia Popkov dhe Anzhila Putivskaj. Jevgenin dhe Guramin i dënoi secilin me 6 vjet e 6 muaj vënie në provë. Julian dhe Anzhilën i dënoi secilën me 2 vjet e 6 muaj vënie në provë. Për momentin, nuk u duhet të futen në burg.

Të dhëna

Jevgeni Godunovi

Lindur: 1986 (Nevinomisk, Territori i Stavropolit)

Biografia: Riparon kompjuterë dhe televizorë

U rrit si Dëshmitar i Jehovait nga mamaja dhe gjyshja. U pagëzua më 2001

Në vitin 2012 u martua me Jelenën

Komente personale

Çfarë mësimesh nxore kur ishe në qendrën e paraburgimit?

Mendova për kohën kur Jozefi ishte në burg. Zanafilla 39:23 thotë: «Jehovai ishte me Jozefin dhe Jehovai ia sillte mbarë çdo gjë që bënte.» Gjatë kohës që isha atje, m’u bë shumë e qartë se, nëse kam një marrëdhënie të ngushtë me Jehovain, mund të qëndroj me gëzim në çfarëdolloj rrethanash. Siç thuhet tek Eklisiastiu 8:12: «Atyre që kanë nderim të thellë për Perëndinë e vërtetë, do t’u dalë për mirë, pikërisht ngaqë kanë nderim të thellë për të.»

Gurami Labadzjei

Lindur: 1963 (Nigvzarë, Gjeorgji)

Biografia: Ka punuar si mekanik makinash dhe shofer taksie

I njohu Dëshmitarët e Jehovait nga e ëma dhe nga motra e tij e madhe. Pa se zbatimi i parimeve të Biblës sjell rezultate të mira. Gjithashtu i bëri përshtypje dashuria që shfaqin Dëshmitarët e Jehovait ndaj njëri-tjetrit. U pagëzua më 1996

Në vitin 1995 u martua me Galinën dhe kanë një djalë

Komente personale

Pse e kishe të vështirë të pranoje ndihmë nga të tjerët?

Në fillim e kisha të vështirë, sepse shumë nga ata që më ndihmonin nuk ishin në gjendje. Por pastaj mendova për fjalët e Jezuit: «Ka më shumë lumturi të japësh se të marrësh.» (Veprat 20:35) Kuptova se duhet t’u jap mundësi vëllezërve e motrave të japin, sepse dua që të ndihen të lumtur. Thashë me vete: «Si do të ishte ndier ajo vejushë e varfër nëse Jezui, nga keqardhja, do t’i kishte thënë t’i mbante për vete ato dy monedha?» (Marku 12:41-44) Më gufon zemra nga mirënjohja kur mendoj sa mirë janë kujdesur vëllezërit për mua. Këto rrethana të pazakonta më kanë afruar më shumë me Jehovain. Nuk është sikur po lexoj historinë e dikujt tjetër. Po e shoh vetë dorën e tij në jetën time.

Julia Popkovi

Lindur: 1978 (Bogaroditsk, Rajoni i Tulës)

Biografia: Ka punuar në një kopsht fëmijësh

Një shoqe klase e ftoi në një mbledhje të Dëshmitarëve të Jehovait. Nisi të studionte Biblën dhe mësoi ta shihte Jehovain si një Atë të dashur. U pagëzua më 1999

Komente personale

Si të ndihmoi miqësia me Jehovain kur ishe në qendrën e paraburgimit?

Sapo vura këmbë në qendrën e paraburgimit, e kuptova qartë se gjëja më e çmuar që kisha, ishte marrëdhënia ime me Jehovain. Angazhimi në aktivitete teokratike si mbledhjet dhe shërbimi, nuk është garanci se do të zhvillosh miqësi me Jehovain. Ngaqë isha përpjekur fort të forcoja miqësinë me Jehovain para se të fillonin këto sprova, arrita ta shihja këtë situatë si një mundësi unike për t’i vërtetuar Jehovait se doja të isha një mike besnike për të. Dijenia se ai e çmon shumë besnikërinë time, ma forcoi vendosmërinë për të ecur në udhën e tij deri në fund. Në fakt, e vetmja gjë që kam merak është të mos zhgënjej Jehovain.

Shembujt e këtyre vëllezërve e motrave na bindin se, kur mbështetemi te Jehovai dhe kur ndjekim shembujt e besimit që gjejmë në Shkrime, edhe ne do të gjejmë ngushëllim e shpresë.—Romakëve 15:4.

Tabelë kronologjike

25 mars 2021

Ngrihet çështja penale
13 prill 2021

U kontrollojnë shtëpitë. Anzhilën dhe Julian i arrestojnë
14 prill 2021

Anzhilën dhe Julian i fusin në një qendër paraburgimi. Jevgenin e arrestojnë dhe e akuzojnë për krim. Guramin e fusin në arrest shtëpie
16 prill 2021

Jevgenin e fusin në një qendër paraburgimi
20 maj 2021

Anzhilën, Jevgenin dhe Julian i lirojnë nga paraburgimi dhe i kalojnë në arrest shtëpie
22 korrik 2021

Anzhilën, Jevgenin dhe Julian i lirojnë nga arresti i shtëpisë dhe u vendosin kufizime për udhëtimet
23 korrik 2021

Guramin e lirojnë nga arresti i shtëpisë dhe i vendosin kufizime për udhëtimet
11 maj 2023

Fillon procesi penal
20 nëntor 2023

I shpallin fajtorë dhe i dënojnë me vënie në provë

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME