2 GUSHT 2022
RUSI

Krenar që jam «pjesë e historisë së organizatës»

LUAJ

Më 26 korrik 2022, Gjykata e Qytetit të Snjezhinskit në Rajonin e Çeljabinskut e shpalli fajtor vëlla Ilia Oleninin. Prokurori kërkoi një dënim prej 6 vitesh e gjysmë burg. Por gjykata e dënoi me një gjobë prej 500.000 rublash (8.150 dollarë amerikanë).

Tabelë kronologjike

17 prill 2017

Agjentë të FSB-së ndërpresin Përkujtimin e Vdekjes së Krishtit. Ilia akuzohet për «zhvillim të veprimtarisë misionare», por më pas çështja mbyllet
30 nëntor 2020

I kontrollojnë shtëpinë
8 shtator 2021

Ngrihet një çështje penale kundër tij
27 tetor 2021

I kontrollojnë shtëpinë për herë të dytë. E marrin në pyetje dhe i vënë kufizime për udhëtimin
23 maj 2022

Nis procesi penal

Të dhëna

Ilia Olenini

Lindur: 1977 (Çeljabinsk, Rajoni i Çeljabinskut)

Biografia: Në rini merrej me sport. Bashkë me familjen u përfshinë në një aksident serioz më 1993 dhe qëndroi i shtruar në spital për goxha kohë. Është inxhinier aeronautik

Pas aksidentit i lindën pyetje për kuptimin e jetës dhe filloi të lexonte Biblën. Foli për herë të parë me Dëshmitarët më 1998. Informacioni logjik që përmban Bibla e bindi se këshillat dhe drejtimi i saj janë më të mirat. U pagëzua më 2006

Në vitin 2015 u martua me Nataljan dhe kanë 3 fëmijë

Komente personale

Si ndihesh për përndjekjen që ke hasur?

E konsideroj privilegj të përndiqem. Jam bërë pjesë e historisë së organizatës tani! Por ky privilegj sjell edhe përgjegjësi. E mendoj sikur vetë Jehovai është përfshirë në çështje gjyqësore dhe më ka lejuar mua të mbroj emrin e tij. Ndaj lutjet e mia janë bërë më të thella dhe më specifike.

Çfarë mundësish të veçanta ke pasur për të dhënë dëshmi gjatë gjyqit?

Gjatë bisedave me hetuesin i flisja vazhdimisht për besimin tim. Edhe ai nisi të më pyeste se çfarë thoshte Bibla për tema të ndryshme. Në takimin e fundit, duke e ditur që me shumë mundësi nuk do ta shihnim më njëri-tjetrin, e nxita të studionte Biblën. Sa u habita kur tha se do ta mendonte seriozisht. Madje më kërkoi mendim se cilën pyetje duhej të shqyrtonte të parën.

Diçka tjetër interesante ndodhi me avokaten që më kishte caktuar gjykata. Në seancën e dytë ajo kishte marrë një Bibël me lidhje lëkure që në pjesët anësore kishte bordura të arta dhe mbi kapak gdhendje metali. Më kërkoi t’i gjeja një varg kur përdorej emri i Zotit. Gjatë seancës, avokatja iu afrua dëshmitarit të thirrur nga prokuroria dhe i kërkoi të lexonte Eksodin 15:3. E lexuan bashkë vargun me zë. Kështu, si gjykatësi edhe prokurori e panë se emri i Perëndisë gjendet në Bibël.

Jemi vërtet krenar për Ilian dhe motrat e vëllezërit e dashur që jetojnë në lartësinë e emrit që mbajmë, duke dëshmuar për Perëndinë tonë madhështor, Jehovain.—Isaia 43:10.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME