20 PRILL 2023
RUSI

Krijimi i jep forcë vëlla Ohjepkinit

LUAJ

Së shpejti, Gjykata e Qytetit të Kineshjemskit në Rajonin e Ivanovos do të shpallë vendimin për çështjen e vëlla Andrej Ohjepkinit. Prokuroria nuk është shprehur ende se çfarë dënimi kërkon për të.

Të dhëna

Andrej Ohjepkini

Lindur: 1962 (Zavolzhsk, Rajoni i Ivanovos)

Biografia: Ka punuar si programues kompjuterësh dhe si mësues fizike

U martua me Irinën në vitin 1987. Ajo filloi të studionte Biblën me Dëshmitarët e Jehovait më 1994. Edhe Andreji nisi të studionte pasi u bind se ekziston një Krijues. Të dy u pagëzuan në vitin 1995

Komente personale

Çfarë të ka ndihmuar t’i përballosh ndjenjat e shkurajimit ndërsa ishe në arrest shtëpie?

Lutjet specifike drejtuar Jehovait, qoftë edhe ato të shkurtra, më kanë ndihmuar të mos bija në vetëmëshirim. Përveç kësaj, kurdo që ndihesha përtokë, mendoja për Jobin. Jehovai përdori aspekte të ndryshme të krijimit për t’i sjellë ndër mend Jobit cilësitë e Tij të mahnitshme. Ndaj u përpoqa të veproja po njësoj. Shihja me ëndje lindjen e diellit. Vështroja me vëmendje retë, qiellin dhe pemët. Mahnitesha me aftësitë akrobatike të zogjve. Vëzhgoja sjelljen e koteleve dhe të qenushëve të vegjël jashtë ndërtesës. Të gjitha këto i kam parë nga ballkoni për rreth 5 muaj. Falë krijimit i dalloja më qartë cilësitë e Jehovait. Tani e kuptoj më mirë sa i dashur është Ati ynë, Jehovai.

Si të kanë dhënë zemër të tjerët që po kalojnë sprova?

Kur isha në paraburgim, mora një letër nga një vëlla që ishte në burg. Ai shkruante: «Njerëzit më pyesin: ‘A ke pasur frikë?’ Do të gënjeja po të thosha jo. Por duhet ta mposhtim frikën dhe tamam këtu hyn në lojë guximi. Si shërbëtorë të Jehovait, njihemi si të guximshëm, sepse kur na mungon guximi, Jehovai na e jep me bollëk. Mos harro: s’ka rëndësi sa i madh është problemi, por sa i madh është besimi. Historia e tij dhe e të tjerëve më kujtuan sa e nevojshme ishte të forcoja miqësinë me Jehovain dhe të mbushja mendjen e zemrën me Fjalën e tij.

Ashtu si Andreji, jemi mirënjohës «për veprat e mrekullueshme të Perëndisë», të cilat na kujtojnë se Ai kujdeset me shumë dashuri për ne.—Jobi 37:14.

Tabelë kronologjike

18 nëntor 2021

Ngrihet çështja penale
23 nëntor 2021

Kontrollojnë 6 shtëpi të Dëshmitarëve të Jehovait, ndër to edhe të Andrejit. Andrejin e arrestojnë dhe e futin në një burg të përkohshëm
24 nëntor 2021

E akuzojnë se ka kryer krim
25 nëntor 2021

E dërgojnë në paraburgim
17 shkurt 2022

E lirojnë nga paraburgimi dhe e kalojnë në arrest shtëpie
14 korrik 2022

E lirojnë nga arresti i shtëpisë dhe i vënë kufizime për udhëtimin
15 dhjetor 2022

Nis procesi penal

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME