24 SHTATOR 2021
RUSI

Leximi i Biblës dhe mbledhjet i dhanë forcë vëlla Maksim Beltikovit

LUAJ

PËRDITËSIM | Gjykata ruse dënon vëlla Maksim Beltikovin

Më 17 janar 2022 Gjykata e Krahinës së Pavlovskit në Territorin e Krasnodarit e shpalli fajtor vëlla Maksim Beltikovin dhe e dënoi me 2 vite burg. Ky dënim hyn në fuqi menjëherë.

Tabelë kronologjike

29 qershor 2020

E urdhërojnë të mos largohet nga zona
23 qershor 2020

Nis çështja penale kundër tij me akuzën për «pjesëmarrje në seanca mësimore fetare» ku përfshihej «drejtimi dhe dëgjimi i fjalimeve të bazuara në botime fetare»
29 prill 2020

Autoritetet kontrolluan shtëpinë e Maksimit. Më pas e morën në pyetje

Të dhëna

Maksim Beltikovi

Lindur: 1980 (Baltijsk, rajoni i Kaliningradit)

Biografia: Kur ishte fëmijë, i pëlqente shumë të luante muzikë popullore. Ka punuar si murator. I pari që i ka folur për Biblën, ishte kushëriri i tij. Maksimi u kënaq shumë kur mësoi emrin e Zotit, Jehova. Gjithashtu mrekullohej teksa mësonte për përmbushjen e profecive të Biblës dhe këshillat e saj praktike. Ai u pagëzua si Dëshmitar i Jehovait në vitin 2001 dhe në vitin 2005 u martua me Marinë. Ata kanë tre fëmijë të vegjël

Komente personale

Si të ka mbështetur Jehovai ty dhe familjen gjatë kësaj sprove?

Jehovai ka siguruar çdo gjë të domosdoshme për familjen time si për të jetuar, edhe për të ruajtur miqësinë me të. Bashkëshortja dhe fëmijët kanë bërë çmos të kuptonin si ndihesha dhe që të mos përqendrohesha te mendimet negative. Kurse një vëlla më dha zemër me Psalmin 23. Ai tha: «Mos e hidh poshtë Jehovain dhe organizatën e tij. Lejoje Jehovain të kujdeset për ty.»

Si të kanë ndihmuar mbledhjet dhe leximi i Biblës që të ruash gëzimin?

Leximi i rregullt i Biblës dhe pjesëmarrja në të gjitha mbledhjet më kanë ndihmuar të ruaj gëzimin dhe të kem besim se Jehovai ka gjithçka nën kontroll. Më 2018, bashkë me gruan patëm mundësi të ndiqnim kongresin në Seul, Kore e Jugut. Të dielën, oratori iu drejtua asaj pjese të auditorit ku ishin vëllezërit që flitnin gjuhën koreane dhe kërkoi të ngriheshin në këmbë të gjithë ata që kishin qenë të burgosur për shkak të besimit. U ngritën mijëra vëllezër. E kujtoj mirë atë moment dhe thashë me vete: «Nëse ata ia dolën mbanë, edhe unë mund t’ia dal.»

Si të është forcuar miqësia me Jehovain gjatë kësaj periudhe?

Miqësia me Jehovain jo vetëm që më është forcuar më tepër, por edhe ka ndryshuar në disa mënyra. Po bëj lutje më specifike. Është interesante se nuk kam bërë kërkesa më specifike, por shprehjet e mia të falënderimit janë bërë më specifike. Kam filluar të lexoj Biblën me një synim të ri, duke kërkuar shembuj që përputhen me rrethanat e mia.

Lutemi që vëllezërit dhe motrat në Rusi të jenë gjithnjë të palëkundur dhe të marrin zemër nga leximi i Biblës e nga dashuria e bashkëbesimtarëve. E dimë se «Perëndia i dashurisë dhe i paqes» do të jetë gjithmonë me këta vëllezër të shtrenjtë.—2 Korintasve 13:11.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME