Së shpejti, Gjykata Krahinore e Solnjeçnit në Territorin e Habarovskut do të shpallë vendimin për çështjen e vëllait Boris Jagovitov. Prokuroria ka kërkuar një dënim me 5 vite burg dhe 2 vite e 11 muaj të tjerë kufizime. Vendimi pritet të njoftohet më 10 tetor 2022.

1. 14 dhjetor 2020

   Hetuesit analizojnë bisedat e incizuara mes Borisit dhe një agjenti të infiltruar që u shtir sikur kishte interes për Biblën

2. 14 maj 2021

   Ngrihet një çështje penale kundër Borisit. E akuzojnë se merr pjesë në mbledhjet e një organizate ekstremiste dhe se përpiqet të rekrutojë anëtarë të rinj

3. 5 qershor 2021

   E marrin në pyetje bashkë me të shoqen, Nataljan, ndërkohë që i kontrollojnë shtëpinë. E fusin në një burg të përkohshëm

4. 7 qershor 2021

   E lirojnë nga burgu i përkohshëm dhe e lënë në arrest shtëpie

5. 29 dhjetor 2021

   Nis gjyqi penal. Gjatë seancës, prokuroria kërkon që Borisi të futet në paraburgim me pretendimin se ka shkelur kushtet e arrestit të shtëpisë. Autoritetet e fusin në paraburgim

6. 24 shkurt 2022

   Çështja i rikthehet prokurorisë për shkak të shkeljeve proceduriale nga ana e hetuesve. Gjithsesi, Borisin nuk e lirojnë nga paraburgimi

7. 20 qershor 2022

   Rinis gjyqi penal

Borisi dhe Natalja janë një shembull i shkëlqyer, sepse e mbajnë mendjen te gjërat e drejta e të denja për t’u lëvduar. Kemi besim se «Perëndia i paqes» do të vazhdojë t’u qëndrojë pranë.—Filipianëve 4:8, 9.