25 KORRIK 2023
RUSI

Lutjet dhe qëndrimi pozitiv u japin forcë Dëshmitarëve në Vladivostok

LUAJ

Së shpejti, Gjykata Krahinore e Pervoreçenskit në Vladivostok do të shpallë vendimin për çështjen e motrave Nina Astvacaturovi, Jelena Barmakini, Ludviga Katanaevi, Jekaterina Tregubi, Jelena Corni dhe të vëllezërve Igor Lonçakovi dhe Juri Redozubovi. Prokuroria nuk është shprehur ende se çfarë dënimi kërkon për ta.

Të dhëna

Jelena Barmakini

Lindur: 1967 (Çerepanovo, Rajoni i Novosibirskut)

Biografia: Punon si fotografe

I njohu Dëshmitarët e Jehovait kur e ëma dhe i vëllai nisën të studionin Biblën. U pagëzua në vitin 2000

U martua me Dimitrin më 2006. Në vitin 2023 Dimitrin e dënuan me 8 vjet burg

Komente personale

Çfarë të ka ndihmuar të përballosh këtë periudhë aspak të lehtë emocionalisht?

Pasi na kontrolluan shtëpinë, mua dhe tim shoq, Dimitrin, na arrestuan, dhe atë e futën në burg. Ndihesha e humbur pa bashkëshortin dhe nuk dija si ta ndihmoja. Ditët e para e kisha tepër të vështirë të lutesha, sepse isha goxha e trazuar emocionalisht. Megjithatë solla ndër mend se, kur më mbyt ankthi e nuk gjej fjalët për t’u lutur, mund të lexoj lutjet e shërbëtorëve besnikë në Bibël dhe Jehovai do t’i konsiderojë si t’i kisha bërë unë. (Romakëve 8:26) Kjo më dha tej mase zemër gjatë asaj periudhe tmerrësisht sfiduese.

Igor Lonçakovi

Lindur: 1977 (Saratov, Rajoni i Saratovit)

Biografia: Punon si operator telefonik për shërbimin postar

E ëma e Igorit u bë Dëshmitare e Jehovait ndërsa ky ishte në universitet. Ai u nxit të studionte Biblën kur pa sa e gëzuar ishte mamaja e tij. U pagëzua më 2008

Komente personale

Cili varg nga Bibla të ka ndihmuar në veçanti?

Vështirësitë fizike, emocionale dhe ekonomike që solli procesi penal, më shtynë të mendoja sa e bukur kishte qenë jeta ime më parë. Iu luta Jehovait për ndjenjat e mia dhe më pas meditova për fjalët e Eklisiastiut 7:10, ku thuhet: «Mos thuaj: ‘Si ka mundësi që ditët e kaluara ishin më të mira se të tanishmet?’, sepse kjo pyetje nuk është aspak e mençur.» Ky varg më nxiti të ndalem e të mendoj për bekimet që kam aktualisht në jetë: kam nënën, të fejuarën dhe vëllezërit e motrat në kongregacion. Të gjithë po më gjenden pranë. Dhe ç’është më e rëndësishmja, e di se Jehovai është në krahun tim. Tani kur lutem, në vend se t’i flas Jehovait vetëm për hallet e mia, e falënderoj rregullisht për të gjitha këto bekime.

Juri Redozubovi

Lindur: 1972 (Komsomolsk-mbi-Amur, Territori i Habarovskut)

Biografia: Mësoi të pikturonte që në fëmijëri. U bë mësues arti

Në vitin 1998 u martua me Anastasjan dhe kanë 3 vajza.

Filluan të lexonin Biblën si çift. Më pas takuan Dëshmitarët e Jehovait dhe mbetën shumë të kënaqur që morën përgjigjet e pyetjeve të tyre nga Bibla. Anastasja u pagëzua më 2003, kurse Juri më 2004

Komente personale

Si të kanë ndihmuar lutjet të qëndrosh besnik?

Lutem më specifikisht që kur ka nisur përndjekja. Jam i vendosur të vazhdoj të lutem rregullisht pavarësisht si do të shkojnë gjërat. Një nga gjërat që i kërkoj Jehovait është të kem një zemër të qetë, dhe Ai na ka ndihmuar familjarisht që të mos na mbytë shkurajimi e ankthi. Madje e konsideroj privilegj dhe nder t’i shërbej Jehovait në këto rrethana. Miqësia ime me Të është më e fortë se kurrë.

Jekaterina Tregubi

Lindur: 1991 (Vladivostok, Territori i Primorjes)

Biografia: Jep mësime të gjuhës angleze

Kur Jekaterina ishte e vogël, gjyshja i lexonte librin Libri im i tregimeve biblike. Ajo nisi të studionte vetë Biblën në moshën 15-vjeçare dhe u pagëzua më 2008

Komente personale

Çfarë mësimi ke nxjerrë gjatë kësaj situate?

Sfida më e madhe për mua ishte të ruaja gëzimin në vështirësi. Kur lexoja historitë e vëllezërve e të motrave që ishin të arrestuar ose në burg, shihja se, sa më e vështirë të bëhej situata, aq më të gëzuar ishin. Ama nuk e kuptoja për çfarë duhej të isha e lumtur. Megjithatë më ndihmoi vërtet meditimi për fjalët e këngës së Mbretërisë numër 111, me titull «Arsyet për të gëzuar». Një pjesë thotë: «Është Bibla themeli i gëzimit,/ prej saj rrezaton mençuri.» Kuptova se kisha nevojë ta studioja më tepër Fjalën e Perëndisë, Biblën, dhe të lutesha më shpesh për gëzim, diçka që jam duke e bërë tani.

Jelena Corni

Lindur: 1972 (Vladivostok, Territori i Primorjes)

Biografia: Ka punuar si edukatore dhe si administratore në një qendër për zhvillimin e fëmijëve

Një fqinje Dëshmitare e Jehovait iu përgjigj pyetjeve të Jelenës në lidhje me vuajtjet dhe me vdekjen. Jelena u pagëzua më 2011

Komente personale

Si ia ke dalë të ruash optimizmin?

Kur kthej kokën pas dhe mendoj për vitet e fundit, bindem edhe më shumë që Jehovai ka gjithçka nën kontroll. Ai është gjithmonë në dijeni të asaj që po ndodh. I kujtoj shpesh vetes premtimin e Jehovait tek Isaia 54:17: «Asnjë armë e sajuar kundër teje nuk do të ketë sukses . . . Kjo është trashëgimia e shërbëtorëve të Jehovait.» Ky premtim më ndihmon t’i mbaj sytë tek e ardhmja dhe të vazhdoj të tregoj mirënjohje për kujdesin e dashur të Jehovait e të motrave e vëllezërve.

Sa zemër marrim kur dimë se Jehovai vazhdon të bekojë e të kujdeset për shërbëtorët e tij të drejtë, duke u dhënë miratimin e tij, që u bëhet mburojë nga çdo anë.—Psalmi 5:12.

Tabelë kronologjike

6 gusht 2019

Kundër Jelena Barmakinit ngrenë akuza penale
8 qershor 2020

Nisin një çështje penale kundër Ninës, Ludvigës dhe Jelena Cornit
17 qershor 2020

Nis procesi penal kundër Jelena Barmakinit
9 korrik 2020

Kontrollojnë shtëpitë e Ninës, Ludvigës, Jelena Cornit dhe të Jurit. Jurin e marrin në pyetje. Ninës, Ludvigës dhe Jelena Cornit u vendosin kufizime për udhëtimin
4 shtator 2020

Kundër Igorit ngrenë akuza penale
8 shtator 2020

Kundër Jekaterinës ngrenë akuza penale
29 shtator 2020

Çështja e Jelena Barmakinit i kthehet prokurorisë për prova të pamjaftueshme në lidhje me ekstremizmin
11 gusht 2021

Kundër Jurit ngrenë akuza penale. Rifillon çështja kundër Jelena Barmakinit. Të gjitha çështjet bashkohen në një të vetme
28 shtator 2022

Nis procesi penal

a b Nuk ishte e mundur të merrnim komente personale nga motrat Astvacaturovi dhe Katanaevi.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME