20 JANAR 2022
RUSI

Mbështetja te Jehovai u forcon besimin vëllezërve e motrave në qytetin e Karpinskit

LUAJ

Gjykata e Qytetit të Karpinskit në Rajonin e Sverdlovskit së shpejti do të shpallë vendimin për çështjen ku janë përfshirë motrat Daria Dulova, Venera Dulova, Svjetlana Zaljaeva dhe vëlla Aleksandër Prianikovi me të shoqen, motër Anastasja Prianikovi. Prokuroria nuk është shprehur ende se çfarë dënimi kërkon për ta

Tabelë kronologjike

27 janar 2020

Aleksandri, Daria dhe Venera shpallen fajtorë në seancën e parë gjyqësore kundër tyre
Shkurt 2020

Kundër Aleksandrit, Darias dhe Venerës ngrihet një çështje e dytë penale
30 mars 2020

Autoritetet kontrollojnë shtëpitë e të akuzuarve dhe u konfiskojnë pajisjet elektronike
19 maj 2020

Në këtë çështje penale përfshihen edhe Anastasja me Svjetlanën. Të dyja urdhërohen të mos largohen nga zona
29 prill 2021

Fillon procesi penal

Të dhëna

Venera Dulova

Lindur: 1968 (Karpinsk, Rajoni i Sverdlovskit)

Biografia: E rritën nëna dhe gjyshja. I pëlqen të punojë me shtiza, të lexojë e të studiojë. Humbi nënën dhe gjyshen pa mbushur 17 vjeçe. U martua në vitin 1990 dhe ka tre fëmijë

E mundonin pyetjet: pse vdesim dhe ç’të ardhme i priste fëmijët e saj. Filloi të studionte me Dëshmitarët e Jehovait kur ishte 28 vjeçe. U pagëzua në vitin 1998

Komente personale

Në cilat mënyra ke parë dorën e Jehovait gjatë kësaj periudhe?

Ata familjarë të cilët në fillim na u vunë kundër mua dhe burrit, tani interesohen shumë për ne. Burri më lavdëron dhe më jep zemër që të mos dorëzohem. . . . Jehovai po na ndihmon edhe me anë të fjalëve të dashura të motrave e vëllezërve në besim

Kur na kontrolluan shtëpinë herën e parë, gjëja e parë që mendova, ishte: «Po më akuzojnë si kriminele, s’mund ta besoj! Çfarë makthi!» Por një mike më tha: «Pse të mos mendosh: ‘Unë jam fitimtare—njësoj si Jezui.’»

Aleksandër Prianikovi

Lindur: 1987 (Udinsk, Territori i Habarovskut)

Biografia: Ka pasion muzikën dhe i bie fizarmonikës. Ka punuar si elektricist në një fabrikë, kurse tani bën pllaka dekorative

Ka besuar gjithmonë se ka një Zot. Premtimi i Perëndisë se njerëzit nuk do të vdesin më kurrë e preku thellë. U pagëzua në vitin 2004 dhe u martua me Anastasjan më 2011

Komente personale

Në ç’mënyra ju kanë inkurajuar vëllezërit gjatë këtyre sprovave?

Një vëlla na ndihmoi të mendonim për fjalët e Psalmit 139:1. Ai na tha: «Jehovai ju do kaq shumë, sa vëren çdo mendim, ndjenjë, fjalë e veprim tuajin. . . . Mbreti David e dinte mirë sa merak e ka Jehovai secilin prej nesh. . . . Jehovai sheh gjithçka që kalojmë në jetë dhe që na ka bërë ata që jemi sot. Kurrë nuk duhet të mendojmë se jemi vetëm.» Ato fjalë më prekën thellë në zemër. S’ka ditë që nuk e ndiej Jehovain në krahun tim.

Anastasja Prianikovi

Lindur: 1987 (Karpinsk, Rajoni i Sverdlovskit)

Biografia: Bashkë me vëllanë më të madh i rriti e ëma. I pëlqen të këndojë dhe të qepë

I pëlqeu tej mase premtimi i Biblës për një të ardhme paqësore. Kuptoi edhe se Bibla është një libër plot këshilla praktike e të mençura. U pagëzua më 2002. Në vitin 2011 u martua me Aleksandrin

Komente personale

Si është forcuar miqësia jote me Jehovain gjatë sprovave që po kalon?

Megjithëse ndjekja penale po vazhdon prej thuajse 3 vjetësh, besimi im sa vjen e bëhet më i fortë. Siguria ime te Jehovai po forcohet dita-ditës. E kuptoj se ai ka gjithçka nën kontroll. Ndonjëherë kur më duket sikur s’kam nga t’ia mbaj, Jehovai e siguron rrugëdaljen. Kam vënë re edhe se, sa më e egër bëhet përndjekja, aq më shumë dua t’i shërbej Jehovait.

Ndërsa përndjekja në Rusi vazhdon, na forcohet besimi kur shohim si po i mbështet Jehovai plot dashuri e merak motrat e vëllezërit tanë të shtrenjtë. Cilësia e sprovuar e besimit të tyre po i sjell «lëvdim, lavdi dhe nderim» emrit të Jehovait.—1 Pjetrit 1:7.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME