Më 20 korrik 2021, Gjykata e Krahinës së Birobidzhanit në Rajonin Autonom Jude e shpalli fajtore Anën dhe e dënoi me 2 vite e gjysmë vënie në provë.

Ana Lohvitski

• Lindur: 1993 (Birobidzhan)

• Biografia: E ka rritur e ëma dhe e ka mësuar të zbatojë parimet e Biblës. U pagëzua në vitin 2012. Është rrobaqepëse e zonja. Në vitin 2018 u martua me Arturin. U pëlqen të peshkojnë, të udhëtojnë e të luajnë volejboll

Më 6 shkurt 2020, Ana ishte mes 6 Dëshmitareve, të cilat autoritetet ruse në Birobidzhan i akuzuan për aktivitet «ekstremist». Në këtë rajon janë ngritur 19 akuza penale kundër Dëshmitarëve të Jehovait. Mes tyre janë edhe bashkëshorti i Anës, Arturi, dhe vjehrra e saj, Irina.

Për shkak të çështjeve penale, jeta e çiftit të ri është bërë goxha e vështirë. Nuk u lejohet të udhëtojnë, ua kanë bllokuar llogaritë bankare dhe ua kanë kufizuar shërbimet publike. Për shkak të gjithë kësaj, Ana vuajti nga sfilitja emocionale, dhe herë pas herë duhej të merrte trajtim mjekësor për këtë.

Ajo përmend disa gjëra që e kanë ndihmuar: «Këngët nga Broadcasting më kanë ndihmuar të ndihem më mirë. Jo vetëm që më kanë ndihmuar të qetësohem, por edhe të kem pikëpamjen e duhur në situata të ndryshme. Përveç tyre, ushtrimet e rregullta më kanë ndihmuar jashtë mase ta mbush mendjen me mendime pozitive.»

Gjithashtu, Ana shpjegon se të dy përpiqen të vënë nevojat e të tjerëve para nevojave të tyre: «Kemi synim që çdo muaj t’u bëjmë dhurata të tjerëve, edhe pse janë dhurata të vogla. Bëjmë çmos të mendojmë për të tjerët, jo vetëm për problemet tona.»

Teksa pret vendimin e gjykatës, Ana e sheh situatën e saj ‘si një mundësi të shkëlqyer që të shfaqë besnikëri ndaj Jehovait, nëpërmjet veprave’.—Psalmi 18:25.