6 MARS 2024
RUSI

Motër Jelena Kozhevnikovin e dënojnë me 2 vjet vënie në provë

LUAJ

Më 4 mars 2024, Gjykata Krahinore e Centralnëjit në Toljati, në Rajonin e Samarës, shpalli fajtore motër Jelena Kozhevnikovin dhe e dënoi me 2 vjet vënie në provë. Për momentin nuk i duhet të futet në burg.

Të dhëna

Jelena Kozhevnikovi

Lindur: 1961 (Ivanovo, Rajoni i Ivanovos)

Biografia: Ka punuar si shitëse në një dyqan të madh. Djali i saj i vetëm vdiq në moshën 18-vjeçare

Vendosi të lexonte gjithë Biblën. Filloi të studionte me Dëshmitarët e Jehovait dhe mori përgjigje të qarta për pyetjet e saj. U pagëzua më 1998

Komente personale a

Si të kanë ndihmuar lutjet që kanë bërë të tjerët për ty?

Lutjet që vëllezërit e motrat kanë bërë për mua, ma kanë forcuar vendosmërinë për të mos u dorëzuar para presioneve që po has. Lutjet e tyre, bashkë me lutjet e mia, marrin përgjigje sa herë Jehovai më jep paqe mendore. Kjo paqe më ndihmon të mendoj kthjellët e të marr vendime te mençura. Kushedi sa ia gëzojmë zemrën Jehovait kur lutemi për njëri-tjetrin! Mund ta imagjinoj Jehovain duke buzëqeshur kur shikon nga qielli që jemi të bashkuar në këtë mënyrë. Tani që kam provuar vetë ndikimin që kanë lutjet e të tjerëve, ndihem më e motivuar të vazhdoj të lutem edhe unë për të tjerët.

I jemi mirënjohës Jehovait që u përgjigjet lutjeve tona, duke u dhënë «fuqinë që jep fryma e tij» Jelenës dhe të gjithë vëllezërve e motrave që po hasin përndjekje.—Efesianëve 3:16.

Tabelë kronologjike

15 maj 2023

Ngrihet çështja penale
16 maj 2023

I kontrollojnë shtëpinë
18 maj 2023

I vendosin kufizime për udhëtimet
16 gusht 2023

Fillon procesi penal
4 mars 2024

E shpallin fajtore dhe e dënojnë me 2 vjet vënie në provë

a Komentet e motrës Kozhevnikov u morën para se të shpallej vendimi i gjykatës.

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME