31 KORRIK 2024
RUSI

Motër Julia Globin e dënojnë me vënie në provë

LUAJ

Më 25 qershor 2024, Gjykata Krahinore e Uneçenskit në Rajonin e Brianskut shpalli fajtore motër Julia Globin dhe e dënoi me 2 vjet e gjysmë vënie në provë. Për momentin, nuk i duhet të futet në burg.

Të dhëna

Julia Globi

Lindur: 1982 (Ukrainë)

Biografia: Ka punuar si mësuese anglishteje

Vriste mendjen se çfarë ndodh me ne kur vdesim. Përgjigjja që mori nga Bibla e ngushëlloi. Julia dhe dy motrat e saj më të vogla u pagëzuan si Dëshmitare të Jehovait në vitin 2003

Në vitin 2018 u martua me Ernestin

Komente personale

Çfarë të ndihmon të qëndrosh e lidhur ngushtë me Jehovain gjatë kësaj periudhe të vështirë?

Njëherë një vëlla na solli ndër mend mua dhe Ernestit se kjo përndjekje nuk është betejë ligjore, por betejë besimi. Dhe, për sa kohë të qëndrojmë besnikë, në sytë e Jehovait ne jemi fitimtarë. Kur e shoh situatën time nga ky këndvështrim, më shtohet siguria dhe paqja mendore. Ndihem krenare që mbaj anën e Jehovait.

Gjithashtu më ndihmojnë shumë lutjet. Çdo mbrëmje, bëj një listë me të gjitha bekimet e ditës. Pastaj lë kohë të falënderoj Jehovain për këto shprehje të dashurisë së tij, ndërsa i zbraz zemrën në lutje. Kjo më siguron se Jehovain e kam gjithnjë pranë, sikur përkulet e më përqafon me krahët e tij të dashur.

E çmojmë shumë faktin që edhe ne mund ‘t’ia zbrazim zemrën’ Jehovait, të sigurt se ai do të jetë streha jonë.—Psalmi 62:7, 8.

Tabelë kronologjike

31 maj 2023

Ngrihet çështja penale
22 qershor 2023

U kontrollojnë shtëpinë. Julian dhe Ernestin i marrin në pyetje
28 shtator 2023

I vendosin kufizime për udhëtimet
31 janar 2024

Fillon procesi penal
25 qershor 2024

E shpallin fajtore dhe e dënojnë me 2 vjet e gjysmë vënie në provë

Shih edhe

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME