18 GUSHT 2021
RUSI

Motër Viktoria Verhoturovi ruan gëzimin ndonëse rrezikon të dënohet

LUAJ

Tabelë kronologjike

Më 29 nëntor 2021, Gjykata e Krahinës së Priokskit në Nizhnji-Novgorod shpalli fajtore motër Viktoria Verhoturovin dhe e dënoi me katër vite vënie në provë. Për momentin nuk duhet të futet në burg
17 korrik 2020

Viktorias i vunë kufizime për udhëtimet
26 mars 2020

Nisi çështja penale kundër Viktorias
17 korrik 2019

Dhjetë policë bashkë me hetuesin, kontrolluan për 5 orë në shtëpinë e saj. Viktorian e mbajtën në një dhomë tjetër ku nuk ishte bashkëshorti i saj, dhe u përpoqën ta intimidonin duke i përshkruar kushtet e tmerrshme të jetës në burg

Të dhëna

Viktoria Verhoturovi

Lindur: 1976 (Uzbekistan)

Biografia: Më e vogla nga tre motrat dhe punon si infermiere. I pëlqen të notojë dhe të ecë në natyrë

Që në fëmijëri e shqetësonte fakti që jeta është e shkurtër dhe kishte frikë nga vdekja. Pasi pa pikturën e një artisti që paraqiste parajsën e premtuar në Bibël dhe pasi mësoi se vdekja do të zhduket, u nxit të studionte Biblën me Dëshmitarët e Jehovait. U pagëzua më 1998 dhe, më 2001 u martua me Sergejin

Komente personale

Çfarë të ka ndihmuar të ruash gëzimin e të mos të mbytë ankthi?

Përveçse lexoj përditë Biblën dhe shkrimin e ditës, kemi filluar të dëgjojmë goxha edhe këngët nga broadcasting. Gjithashtu i kam vënë synim vetes që çdo ditë të lutem për gëzimin dhe që të dua armiqtë e mi. Si rezultat, provoj gëzim.

Si e ka forcuar miqësinë tënde me Jehovain kjo situatë?

Jehovai është bërë edhe më real për mua. Ai është një Atë i dhembshur dhe i dashur. Arrij ta dalloj si po më ndihmon mua dhe bashkëshortin. Kur jemi në gjykatë gjatë procesit, i lutem, dhe e ndiej që Atin tonë e kemi përkrah. Jam e qetë dhe e sigurt.

A të ka ndihmuar ndonjë shkrim që të qëndrosh me gëzim?

Psalmi 118:6, 7. Këto vargje më kujtojnë se kundërshtarët tanë janë asgjë në krahasim me Krijuesin e Madh të universit. Ai ka çdo gjë në kontroll, dhe njerëzit s’e ndalin dot që ta realizojë qëllimin e tij. Jam në krahët e sigurt të Perëndisë.

Ndonëse i përndjekin, vëllezërit e motrat në Rusi qëndrojnë të gëzuar me ndihmën e Jehovait. E dimë se ai do të vazhdojë t’u japë «gëzim e paqe» bashkëbesimtarëve tanë të shtrenjtë.—Romakëve 15:13.

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME