Më 6 korrik 2020 ishte planifikuar që vëlla Denis Kristenseni të lirohej nga qelia a e tij e dënimit. Megjithatë, po atë ditë, burgu i Lgovit e zgjati kohën e dënimit në këtë qeli edhe 5 ditë të tjera, bazuar në një grup të ri akuzash të pabaza, si p.sh. vonesat.

Vëlla Kristenseni i tha avokatit të tij se autoritetet po gënjejnë, që ai të mos kualifikohet për lirim të parakohshëm. Ka më shumë se një vit që vëlla Kristenseni ka vuajtur një pjesë të mirë të dënimit që të kualifikohet për lirim të parakohshëm. Ai ka aplikuar katër herë, por gjykata e Lgovit dhe zyrtarët e burgut i kanë sabotuar kërkesat e tij.

Autoritetet ruse vazhdojnë t’i përlyejnë me gënjeshtra vëllezërit tanë të dashur në Rusi. Gjithsesi e dimë se Jehovai do t’i ndihmojë duke u dhënë paqe dhe miratimin e tij si një «mburojë në çdo anë».—Psalmi 5:12; 119:69.